Samfunnsøkonomi, mikro

Kunnskap

Studentane skal ha:

• Kunnskap om korleis konsumentane si etterspurnad etter ulike varer og tenester blir påverka av preferansar, inntekt og prisane på varene dei etterspør.
• Kunnskap om korleis verksemder sitt tilbod av varer og etterspurnad etter innsatsfaktorar blir påverka av produksjonsteknikk, prisane på innsatsfaktorane og konkurransesituasjonen dei opererer i.
• Kunnskap om verknadene for konsumentar og produsentar av ulike marknadsformer.
• Kunnskap om verknadene for konsumentar, produsentar og samfunnet som heilskap av offentlege inngrep som avgifter og prisregulering.

Ferdigheiter

Studenten skal kunne:

• Skildre grafisk og analytisk korleis endringar i prisar, inntekter og preferansar påverkar konsumentane si etterspurnad etter ulike varer og tenester.
• Skildre grafisk og analytisk korleis endringar i verksemder sine mål og rammevilkår påverkar deira tilbod av varer og tenester og etterspurnad etter innsatsfaktorar.
• Skildre grafisk og analytisk korleis ulike marknadsformer påverkar produsentane si tilpassing.
• Skildre dei samfunnsøkonomiske og fordelingsmessige verknadene av offentlege verkemiddel som avgifter og prisregulering.

Generell kompetanse

Studenten skal ha:

• Forståing for grunnleggjande mikroøkonomiske omgrep.
• Innsikt i og kunne drøfte konsumentar og verksemder si økonomiske åtferd under ulike marknadsformer.