Engelsk 1: Språk og språklæring for 1.-10. trinn
Emnet er skreddarsydd for engelsklærarar i grunnskulens 1.-10. trinn. Det vil gje studentane fleksible verktøy som kan brukast i klasserommet. Samstundes utviklar studentane si eigen språk- og tekstkompetanse, fagdidaktiske refleksjonsevne og profesjonsfaglege digitale kompetanse.
Emnet består av det gjennomgåande temaet engelskundervisning i Norges, og temaet språk og språklæring. Språk og språklæring gjer lærarar grunnleggjande innsikt i språklege emne for eigen språkutvikling, i tillegg til oppdatert kunnskap om elevar si språkutvikling på ulike trinn. For 1.-7. trinn vil hovudvekta leggast på byrjaropplæring og tidleg språkutvikling. For 5.-10. trinn vil fokuset rettast mot vidareutvikling av elevane sine grunnleggjande ferdigheiter, tilpassa elevane sine ulike behov, òg med omsyn til fagleg sterke elevar. Undervisninga vekslar mellom separate økter med trinnfokus og fellesøkter med heilskaplege, interdisiplinære tilnærmingar.
Informasjon når det gjeld oppstart og øvrig kommunikasjon skjer via læringsplattforma Canvas. Studentane må gå til pensumlista på Leganto for å sikre seg bøkene innan oppstart. Studentane må halde seg oppdatert på alle informasjonskanalane som nyttast.
Emnet er nettbasert, men studentane tek studiet til fastsette tider. Undervisning og læringsformer går føre seg som obligatoriske undervisningsøkter i sanntid på nett, arbeid i digitale kollokviegrupper, presentasjonar, med meir, i tillegg til individuelt arbeid.
Kunnskap
Studenten
- har kunnskap om korleis barn lærer språk
- har kunnskap om språket sine kjenneteikn og strukturar med vekt på skilnader og likskapar mellom engelsk, norsk og andre språk elevar kan
- har kunnskap om metodar og arbeidsmåtar som fremjar elevane si språklege, kommunikative og interkulturelle kompetanse i 1.-10. trinn, i tillegg til fleirspråklegdomsperspektiv
- har kunnskap om digitale språklæringsressursar som kan engasjere elevane
- kjenner til forskings- og utviklingsarbeid som er relevant for engelskfaget på 1.-10. trinn
Ferdigheit
Studenten
- kan bruke engelsk sikkert og funksjonelt, i tillegg til å forklare korleis engelsk blir brukt i ulike kontekstar
- kan leggje til rette for eit trygt språklæringsmiljø
- kan bruke læreplanen for 1.-10. trinn, inkludert integrering av grunnleggjande ferdigheiter
- kan planlegge varierte og differensierte læringsaktivitetar, som òg fremjar djupdelæring
- kan bruke digital teknologi for elevar si utforsking av språket, med omsyn til normer for ansvarleg kjeldebruk og personvern
- kan grunngje dei didaktiske vala i tråd med relevant forskings- og utviklingsarbeid og gjeldande læreplan for aldersgruppa
Generell kompetanse
Studenten
- kan nytte relevant fagkunnskap for å reflektere over eiga læring og undervisningspraksis i forhold til gjeldande læreplan
- kan formidle relevant fagstoff og kommunisere tydeleg på engelsk
- kan bruke sin eigen engelskspråklege, profesjonsfaglege digitale og didaktiske kompetanse og bidra til fagleg utvikling
Obligatorisk emne
Teoriemne
Samensatt vurdering (SV) - alle delane må vere godkjent/bestått for å få karakter i emnet.
3 arbeidskrav (AK): Vurderast til godkjent/ikkje godkjent. Alle arbeidskrava må vere godkjent for å få endeleg karakter i emnet. Teller 0/100 av karakteren.
Skildringar av arbeidskrava:
- Eit om språk
- Eit om engelskdidaktikk
- Eit om undervisningspraksis
Obligatorisk deltaking (OD) vurderast til godkjent/ikkje godkjent. Det er krav om minimum 80% deltaking i nettbasert undervisning. Teller 0/100 av karakteren.
Heimeeksamen (HJ): individuell eksamen, varigheit 5 dagar. Teller 100/100 av karakteren. Karakterregel A-F, Beste A, Ikkje bestått F
Alle hjelpemiddel er tillate.
Å generere svar ved hjelp av ChatGPT eller liknande kunstig intelligens og levere den heilt eller delvis som eigen svar er å rekne som fusk.