Engelsk 2: Engelsk språklæring og kommunikasjon for 5-10
Dette emnet er skreddarsydd som vidareutdanning for (engelsk) lærarar i grunnskulen sine 5.-10. trinn og bygg på engelsk 1. Det vil utvikle studentane si didaktiske kompetanse vidare for å kunne tilby variert og tilpassa undervisning i klasserommet sitt. Samstundes vil studentane få anledning til å vidareutvikle si eigen språk- og tekstkompetanse, fagdidaktiske refleksjonsevne og profesjonsfaglege, digitale kompetanse.
Emnet består av det gjennomgåande fagdidaktiske temaet engelskundervisning i Noreg, og temaet språklæring og kommunikasjon. Språktemaet vil gje lærarane djupnekunnskap i ulike språklege emne, i tillegg til økt kunnskap om sjangertilpassa språk og diskurs.
Informasjon når det gjeld oppstart og øvrig kommunikasjon skjer via læringsplattforma Canvas og studentepost. Studentane må gå til pensumlista på Leganto for å sikre seg bøkene innan oppstart. Studentane må halde seg oppdatert på alle informasjonskanalane som nyttast.
Emnet er heilt nettbasert, men studentane tek studiet til fastsette tider. Undervisning og læringsformer går føre seg som obligatoriske undervisningsøkter i sanntid på nett, arbeid i digitale kollokviegrupper, presentasjonar og blogginnlegg, med meir, i tillegg til individuelt arbeid.
Kunnskap
Studenten:
- har omfattande kunnskap om korleis barn og unge lærar engelsk
- har omfattande kunnskap om fleirspråklegdom som ressurs i klasserommet
- har kunnskap om engelsk som verdsspråk og kva dette inneberer for utviklinga av språkleg, kommunikativ og interkulturell kompetanse
- har kunnskap om ulike språklege emne, i tillegg til auka kunnskap om sjangertilpassa språk
- har kunnskap om korleis munnleg og skriftleg språk kan integrerast i inspirerande og meiningsfulle aktivitetar med utgangspunkt i gjeldande læreplan
- har kunnskap om tverrfaglege arbeidsformer for å fremme djupnelæring
Ferdigheit
Studenten:
- kan bruke engelsk sikkert og funksjonelt, både munnleg og skriftleg, for ulike formål
- kan rettleie elevane til å utvikle si eigen språkbevisstheit og si metalingvistiske kompetanse i engelsk og andre språk dei kan
- kan rettleie elevane i utforskande tilnærming til språklæring og fremme evnene deira til å uttrykke seg
- kan planlegge, leie og kritisk vurdere varierte og differensierte læringsaktivitetar som fremjar vidare utvikling av elevane sine språkferdigheiter
- kan leggje til rette for elevmedverking og dialog i vurdering av elevar si måloppnåing i engelskfaget
- kan finne fram til, forstå, vise til og reflektere over relevant engelskfagleg forskingslitteratur
Generell kompetanse
Studenten:
- kan formidle relevant fagstoff og kommunisere tydeleg på engelsk
- kan reflektere kritisk og eigen praksis i forhold til gjeldande læreplan og relevant fagkunnskap
- kan vidareutvikle si eigen språklege, litterære, kulturelle og didaktiske kompetanse for å bidra til fagleg nytenking
Obligatorisk emne
Teoriemne
Samansett vurdering (SV)- alle delane må vere godkjent/bestått for å karakter i emnet.
3 arbeidskrav (AK): Vurderast til godkjent/ikkje godkjent. Alle arbeidskrava må vere godkjent for å få endeleg karakter i emnet. Teller 0/100 av karakteren.
Obligatorisk deltaking (OD) vurderast til godkjent/ikkje godkjent. Det er krav om minimum 80% deltaking i nettbasert undervisning. Teller 0/100 av karakteren.
Munnleg eksamen (MU): Individuell. Varigheit 30 minuttar. Studentane får utlevert tema for den munnlege eksamenen ei veke før eksamen. Teller 100/100 av karakteren. Karakterregel A-F, Beste A, Ikkje bestått F.
Alle hjelpemiddel er tillate.
Å generere svar ved hjelp av ChatGPT eller liknande kunstig intelligens og levere den heilt eller delvis som eigen svar er å rekne som fusk.