Finansiering og investering

Grunnleggjande rentereknskap. Budsjettering av kontantstraum. Investeringskalkylar og korleis ein kan ta omsyn til skatt, prisstiging og usikkerheit i investeringskalkylar. Ulike kapitalkjelder og kapitalkostnader, inkludert utrekning av avkastningskrav. Utrekning av grunnleggjande porteføljesamansetjing, og ei innføring i samanhengen mellom avkastning og risiko.

Studentar som kan dokumentere at dei har bestått eksamen for CFA Level 1, får fritak frå emnet.

Det er mogleg å søkje opptak til emnet som enkeltemne. Det blir teke atterhald om ledig kapasitet på emnet. Søkaren må oppfylle gjeldande opptakskrav for bachelor i økonomi og leiing eller bachelor i eigedomsmekling.

Meir informasjon om enkeltemneopptak og fristar.

Etter fullført emne skal studenten ha følgjande læringsutbytte:

Kunnskapar

Studenten skal:

ha brei forståing for tidsverdien av pengar, og korleis dette påverkar lønsemda av investeringar, samt omgrepa nåverdi og sluttverdi
ha kunnskap om kontantstraumar i investeringsbeslutningar
ha kunnskap om eigenskapar som påverkar avkastningskravet til ei investering
ha kunnskap om porteføljeteori

Ferdigheiter

Studenten skal:

kunne nytte og utføre grunnleggjande renteberekningsmetodar
kunne budsjettere ein kontantstraum og gjere lønsemdsvurderingar basert på ulike investeringskalkylar, inkludert nåverdimetoden, internrentemetoden og tilbakebetalingsmetoden
kunne gjennomføre lønsemdsanalyser med omsyn til eventuell skatt
kunne rekne ut effektiv rente og nytte denne i ulike beslutningar
kunne berekne avkastningskrav
kunne nytte porteføljeteori og kapitalverdimodellen til å vurdere risiko og avkastning
kunne meistre relevante faglege verktøy

Generell kompetanse

Studenten skal:

ha innsikt i relevante faglege problemstillingar
kunne planleggje og gjennomføre varierte investeringsanalysar som strekkjer seg over tid
bli i stand til å på sjølvstendig vis vurdere og reflektere over ulike situasjonar som omfattar lønsemda av investerings- og finansieringsbeslutningar

Utover semesteravgift og pensumlitteratur, blir det føresett at studenten har tilgang til ein berbar datamaskin.

Obligatorisk

Førelesing, gruppeøving, rettleiing til arbeidskrav og datalab.

Studieprogrammet blir evaluert årleg av studentane gjennom emneevalueringar og studieprogramevaluering. Evalueringane er ein del av universitetet sitt kvalitetssikringssystem.

To obligatoriske arbeidskrav må vere godkjende for å gå opp til eksamen. Skuleeksamen tel 100 % av karakteren.
Eksamen blir gjennomført i Inspera. Heile eller delar av eksamen blir gjennomført ved bruk av Excel.

Excel, enkel kalkulator og tospråklege ordbøker. Å generere ei besvarelse ved hjelp av ChatGPT eller liknande kunstig intelligens og levere ho heilt eller delvis som eiga besvarelse, blir rekna som fusk.

MAT1001 Matematikk

STT1001 Statistikk

FIN1001 Innføring finansregnskap

Overlapp vil seie at det er ein fagleg likskap mellom emne med same faginnhald. Derfor vil du få få følgande reduksjon i studiepoeng dersom du har tatt emne som er nemnde nedanfor:

BE118E - Driftsregnskap, budsjettering, finansiering og investering - 7.5 Studiepoeng

BE119E - Grunnleggende Økonomistyring 1 - 3 Studiepoeng

BE120E - Grunnleggende Økonomistyring 2 - 4.5 Studiepoeng

BE203E - Bedriftsøkonomisk analyse I - 7.5 Studiepoeng

10303 - Finansiering og investering - 6 Studiepoeng

BE206E - Finansiering og investering - 7.5 Studiepoeng

ØKO214 - Finansiering og investering - 7.5 Studiepoeng