Corporate Finance

FIN5003

Emnet omhandlar moderne problemstillingar innan corporate finance prinsipp og praksis. Hovudmålet er å gje ein avansert bakgrunn og djup forståing i hovudspørsmåla innan moderne bedriftsfinansiering, slik som kapitalstruktur, bedrifta si finansieringsstrategi, utbetalingspolitikk, bedriftsrestrukturering, bedriftsstyring og berekraftig verdiskaping. Emnet dekkjer teoretiske og juridiske problemstillingar, samt empirisk forsking og innsikt.

Sentrale tema:

Interessekonfliktar
Lineær regresjon og endogenitet
Kapitalstruktur
Utbytte og tilbakekjøp av aksjar
Fusjonar og oppkjøp
Konkurs og restrukturering
Risikokapital og privat eigenkapital
Børsnoteringar
Eigarstyring og selskapsleiing
Familieverksemder

Det er mogleg å søkje opptak til emnet som enkeltemne. Det blir teke atterhald om ledig kapasitet på emnet. Søkjaren må oppfylle gjeldande opptakskrav for master i økonomi og administrasjon.

Ingen.

Etter fullført kurs skal studenten ha oppnådd følgjande læringsutbytte:

Kunnskap

Studenten:

Har avansert kunnskap innanfor corporate finance-feltet og spesialisert innsikt i verksemda sine finansierings-, investerings- og utbetalingsavgjerder.
Har inngåande kunnskap om hovudteoriar og empiriske strategiar som blir brukte i feltet.
Kan bruke kunnskap til nye område innan corporate finance.
Kan analysere faglege problemstillingar med utgangspunkt i teoretiske grunnlag for corporate finance.

Ferdigheiter

Studenten:

Kan forsvare og/eller argumentere mot verksemdsavgjerder med strukturerte og kunnskapsrike vitskaplege argument.
Kan analysere og kritisk vurdere eksisterande teoriar og metodar som blir brukte innan corporate finance og governance-feltet.
Kan tolke avanserte analysar og konklusjonar frå akademiske artiklar innan corporate finance-feltet.
Kan gjennomføre ei sjølvstendig, avgrensa forsking innanfor corporate finance-feltet, og formidle resultata av analysane på ein forståeleg måte.

Generell kompetanse

Studenten:

Kan bruke sine kunnskapar og ferdigheiter om problemstillingar innan corporate finance til å utføre avanserte oppdrag, både individuelt og i gruppe.
Er i stand til å stille kritiske spørsmål og reflektere over avgjerande føresetnader i teoriar og metodar brukte innanfor feltet corporate finance og governance.
Kan formidle informasjon om faglege problemstillingar, analysar og konklusjonar innan corporate finance-feltet, både med spesialistar og allmenta.
Kan formidle, både skriftleg og munnleg, gruppe- og sjølvstendig arbeid på ein heilskapleg måte.
Kan analysere relevante faglege og forskingsetiske problemstillingar.
Kan bidra til nytenking innan corporate finance-feltet.

Utover semesteravgift og pensumlitteratur føreset det at studenten disponerer ein berbar datamaskin.

Hovedprofil, valemne

Forelesningar

Studieprogrammet blir evaluert årleg av studentane gjennom emneevalueringar og studieprogramevaluering. Evalueringane inngår som ein del av universitetet sitt kvalitetssikringssystem.

Samsamansett vurdering, karaktersystem Bokstavkarakterar

Mappe, tel 40/100 av karakteren, karaktersystem Bokstavkarakterar.
Skriftleg skuleeksamen, 4 timar, tel 60/100 av karakteren, karaktersystem Bokstavkarakterar.

Enkel kalkulator og tospråkleg ordbok. Å generere svar ved hjelp av ChatGPT eller liknande kunstig intelligens og levere det heilt eller delvis som eiga svar er å rekne som fusk.

Må oppfylle krava for opptak til andre semester av Master of Science in Business-programmet.