Reportasje - sjanger og metode

JOU2003

I dette første av to emne om reportasjen blir grunnlaget lagt for god historieforteljing på ulike plattformer og i ulike sjangrar. Her får studenten sjangerkunnskap, kunnskap om idéutvikling, research, kjeldehandsaming og formidling knytt til større journalistiske arbeid.

Den gode reportasjen byggjer på ein kreativ idé og ei godt formulert problemstilling. Reportasjen skal fenge publikum med si forteljarmåte og ved at ho tek opp eit vesentleg tema. I den gode reportasjen møter publikum interessante menneske og samfunnsrelevante problemstillingar, og ho skaper refleksjon og ettertanke. I dette første av to emne om reportasjen skal studenten lære teori og metode som utgjer grunnlaget for godt reportasjearbeid på ulike plattformer og i ulike sjangrar. Studentane skal i løpet av emnet produsere reportasjestoff og reflektere over dette.

Må vere tatt opp på studieprogrammet Bachelor i journalistikk.

Kunnskap

Studenten...

har inngåande kjennskap til reportasjen sitt særpreg som sjanger og metode
forstår betydninga av å forhalde seg profesjonelt til personkjelder av alle slag
kjenner til dei verkemidla ulike medieplattformer nyttar seg av i reportasjesamanheng
har kunnskap om reportasjespråket og forteljar- og presentasjonsteknikk, struktur og dramaturgi
har kunnskap om ulike undersjangrar av reportasjen

Ferdigheiter

Studenten...

kan utvikle kreative reportasjeidear, både åleine og i samarbeid med andre
kan analysere eit sakskompleks med tanke på journalistisk bearbeiding og formidling
meistrar intervjuet som metode i ulike reportasjesjangrar
kan bruke observasjon som metode for å utforme scener i ein reportasjetekst
kan bruke dramaturgiske prinsipp for å skape ei journalistisk forteljing
kan lage reportasjestoff av tekst, bilete, video og lyd - og i ulike kombinasjonar av desse

Generell kompetanse

Studenten...

kan kvalitetssikre eiga og andre si research
har innsikt i relevante fag- og yrkesetiske problemstillingar knytt til reportasjejournalistikk
kan tileigne seg ny og oppdatert kunnskap om fagfeltet
kan bruke terminologien innan reportasjejournalistikk i samtalar og diskusjonar
kan vurdere korleis fleirmedialitet verkar inn på historieforteljing
har forståing for viktige prinsipp i arbeidsprosessen med reportasjejournalistikk

Utover semesteravgift og pensumlitteratur blir det føresett at studenten disponerer ein berbar datamaskin og smarttelefon.

Obligatorisk

Førelesingar, seminar, oppgåver og rettleiing individuelt og i grupper.

Studieprogrammet blir evaluert årleg av studentane gjennom emneevalueringar og studieprogramevaluering. Desse evalueringane inngår som ein del av universitetet sitt kvalitetssikringssystem.

Obligatorisk deltaking (OD) (80 %) på all undervisning og alle aktivitetar med organisert rettleiing i dette emnet, sjå undervisningsplan i Canvas. Deltaking blir vurdert i forhold til oppmøte på økter, ikkje time for time. Vurderingsform: Godkjent/ikkje godkjent. Teller 0/100 av karakteren. Må vere fullført før ein kan gå opp til eksamen/vurdering.

Arbeidskrav (AK/AR). Innlevering av journalistiske arbeid i, eller knytt til, reportasjesjangeren. Må vere fullført før ein kan gå opp til eksamen/vurdering. Teller 0/100 av karakteren. Studentane skal i løpet av emnet levere 4 arbeid til fastsett frist. Vurderingsuttrykk: Godkjent/ikkje godkjent.

Oppgåve (OP): Innlevering av fleirmediale reportasjearbeid med tilhøyrande refleksjonsnotat. Teller 100/100 av karakteren. Vurderingsuttrykk: Bokstavkarakter A-F.

Alle hjelpemiddel. All bruk av kunstig intelligens skal gjerast greie for.

Å generere svar ved hjelp av ChatGPT eller liknande kunstig intelligens og levere det heilt eller delvis som eigen besvarelse blir rekna som fusk.

Emnet JOU2000 Redaksjonell rundtur (med kortpraksis).

Med overlapp menes en faglig likhet mellom emner med samme faginnhold. Du vil derfor få følgende reduksjon i studiepoeng om du har tatt emner som er angitt under:

JOU2001 - Flermedial reportasje 1 – teori og metode - 10 Studiepoeng

JOU2006 - Fortellende journalistikk - 10 Studiepoeng

Språk

Norsk

Studiepoeng

Studiested

Bodø

Ansvarlig fakultet

Fakultet for samfunnsvitenskap

Emneansvarlig

Informasjon om emneansvarlig for valgt semester er ikke lenger tilgjengelig. Ta kontakt med nåværende emneansvarlig.