Grunnleggende arbeid med eggverktøy i tre

KHV1021

Ynskjer du å bli ein meir kunnskapsrik lærar innan kunst og handverk? Då er ein av nøklane å meistre grunnleggjande arbeid med eggverktøy i tre.

Med ferdigheiter i å forme i tre vil du kunne inspirere og rettleie elevane dine, samstundes som du forbereder dei for i verd full av kreativ utfalding med mål om ei meir berekraftig utvikling. Har du lyst til å skape eller dele ei lidenskap for trearbeid, passar dette studiet for deg.

Ynskjer du å få grunnleggjande kompetanse og erfaring med å bruke kvasse verktøy innanfor trearbeid, så får du moglegheita i dette emnet. HMS, sliping og bruk av fleire typar eggverktøy står som hovudfokus. Emnet er tilpassa uerfarne og erfarne.

Det er mogleg å søkje opptak til emnet som enkeltemne. Det vert teke atterhald om ledig kapasitet på emnet. Søkaren må oppfylle gjeldande opptakskrav for Bærekraftig kunst og håndtverk. Sjå opptaksinformasjon på studieprogramsida, og les meir om opptak til enkeltemne her.

Kunnskap

Studenten

har kunnskap om materialet tre, i tillegg til bruk av og sliping/bryning av kvasse eggverktøy som kniv, øks, bandkniv og utholingsjern.

Ferdigheiter

Studenten

har ferdigheiter i teknikkar til å forme i tre, bruk av manuelle og maskinelt utstyr.

Generell kompetanse

Studenten

har kompetanse i HMS på verkstadene.

Utover semesteravgift og pensumlitteratur er det ei føresetnad at studenten disponerer ein datamaskin med kamera og headset for deltaking i nettbasert undervisning. Studentane må ha internettlinje med kapasitet til nettundervisning.

Teoriremne

Valemne

I emnet vert teori knytt til praktisk-estetisk verkstadarbeid, som introduksjon til tema, og for å belyse pensum og synleggjere koplingar mellom teori og handling som metode for utvikling av ferdigheiter og erfaringsutveksling.

Undervisning er organisert i ein digital introduksjon som vekslar mellom studentaktive forelesningar, og temabasert og problemløysande gruppearbeid. Det praktiske verkstadarbeidet vert organisert ut frå verkstadpedagogiske prinsipp.

Studieprogrammet evaluerast årleg av studentane gjennom emneevalueringar og studieprogramevaluering. Evalueringane inngår som ein del av universitetets kvalitetssikringssystem.

Samansett vurdering - alle delane må vere godkjent/bestått for å få karakter i emnet.

Obligatorisk deltaking (OD): Obligatorisk deltaking på undervisning vurderast til godkjent/ikkje godkjent. Det er krav til minimum 80% deltaking grunna aktivitetar/undervisning som gjer vesentleg kompetanse (ferdigheit) som ikkje kan prøvast ved ordinær eksamen. Teller 0/100 av karakteren.

Arbeidskrav (AK): Arbeidskravet er del av undervisningsgrunnlaget der det kan ble gjeven rettleiing undervegs. Vurderast til godkjent/ikkje godkjent. Teller 0/100 av karakteren.

Mappe (MA): Praktisk individuelt skapande arbeid, i tillegg til visuell og skriftleg logg. Utstilling eller digital presentasjon av mappa. Munnleg samtale om mappa. Teller 100/100 av karakteren. Karakterregel A-F, Beste A, Ikkje bestått F.

Alle hjelpemiddel er tillate.

Å generere svar ved hjelp av ChatGPT eller liknande kunstig intelligens og levere den heilt eller delvis som eigen svar er å rekne som fusk.