Kulturhistoriske materialflater og formspråk

KHV1022

Er du nysgjerrig på korleis menneske har kommunisert visuelt gjennom tidene og ynskjer du å bli ein kunnskapsrik lærar i kunst og handverk som er dyktig til å jobbe med hendene? Ein av nøklane er å ha fersk erfaring med handverktøy og berekraftige material som stein, papir, skinn og glas. Med ferdigheiter i bruk av ulike formspråk på ulike berekraftige materialflater vil du kunne inspirere og rettleie gjennom kreative problemløysingsoppgåver som kan bidra til å dei kan delta aktivt i samfunnet. Lær å skape og å lære bort kulturhistorisk formspråk - ta dette studiet!

Det er genuint menneskeleg å ta lærdom av fortida for å forstå samtida, slik at ein sjølv kan bidra til berekraftige og kreative løysingar som samfunnet vil trenge i framtida. I den manuelle utforskinga av material, handverktøy og teknikkar skjer det eit samspel mellom hjerne og hand som dannar «taus kunnskap» som kroppen seinare vil huske. Alle sansar er i aksjon i dei estetiske læreprosessane. Nokre materialflater og verktøy har resultert i visuelle uttrykk som fortel noko om mennesket sitt behov for å kommunisere. Helleristingar, holemaleri, runeskrift, tatoveringar og tekstmeldingar er eksempel på former for kulturelle symbolspråk. Dei er visuelle ytringar som vert forstått og gjer meining i ulike kontekstar.

Dette emnet hjelper det å sjå nokre samanhengar mellom mennesket sitt behov for å kommunisere og dei til ein kvar tid nærliggande materialflater, verktøy og teknikkar som trengs for å forstå seg sjølv i verda.

Det er mogleg å søkje opptak til emnet som enkeltemne. Det vert teke atterhald om ledig kapasitet på emnet. Søkaren må oppfylle gjeldande opptakskrav for Bærekraftig kunst og håndtverk. Sjå opptaksinformasjon på studieprogramsida, og les meir om opptak til enkeltemne her.

Kunnskap

Studenten

har kunnskap om materiale stein, skinn, papir og glas som flater til formidling av informasjon, frå helleristingar til digitale skjermar.

Ferdigheiter

Studenten

har ferdigheter i å hogge, risse, skjære og fuse semiotiske budskap med ulike formspråk på ulike materialflater.

Generell kompetanse

Studenten

har kompetanse i å sjå digitale skjermflater i eit kulturhistorisk perspektiv.

Utover semesteravgift og pensumlitteratur er det ei føresetnad at studenten disponerer ein datamaskin med kamera og headset for deltaking i nettbasert undervisning. Studentane må ha internettlinje med kapasitet til nettundervisning.

Teoriemne

Valemne

I emnet vert teori knytt til praktisk-estetisk verkstadarbeid, som introduksjon til tema, og for å belyse pensum og synleggjere koplingar mellom teori og handling som metode for utvikling av ferdigheiter og erfaringsutveksling.

Undervisning er organisert i ein digital introduksjon som vekslar mellom studentaktive forelesningar, og temabasert og problemløysande gruppearbeid. Det praktiske verkstadarbeidet vert organisert ut frå verkstadpedagogiske prinsipp.

Studieprogrammet evaluerast årleg av studentane gjennom emneevalueringar og studieprogramevaluering. Evalueringane inngår som ein del av universitetets kvalitetssikringssystem.

Samansett vurdering - alle delane må vere godkjent/bestått for å få karakter i emnet.

Obligatorisk deltaking (OD): Obligatorisk deltaking på undervisning vurderast til godkjent/ikkje godkjent. Det er krav til minimum 80% deltaking grunna aktivitetar/undervisning som gjer vesentleg kompetanse (ferdigheit) som ikkje kan prøvast ved ordinær eksamen. Teller 0/100 av karakteren.

Arbeidskrav (AK): Arbeidskravet er del av undervisningsgrunnlaget der det kan ble gjeven rettleiing undervegs. Vurderast til godkjent/ikkje godkjent. Teller 0/100 av karakteren.

Mappe (MA): Praktisk individuelt skapande arbeid, i tillegg til visuell og skriftleg logg. Utstilling eller digital presentasjon av mappa. Munnleg samtale om mappa. Teller 100/100 av karakteren. Karakterregel A-F, Beste A, Ikkje bestått F.

Alle hjelpemiddel er tillate.

Å generere svar ved hjelp av ChatGPT eller liknande kunstig intelligens og levere den heilt eller delvis som eigen svar er å rekne som fusk.