Ferdighets- og prestasjons-utvikling i idrett

KRO2004

Innhaldet i emnet vil ha hovudfokus på å utvikle kunnskap om grunnlaget for ferdighets- og prestasjonsutvikling i idrett for den enkelte studenten.

Opptak skjer på bakgrunn av generell studiekompetanse eller realkompetanse etter gjeldande reglar. Emnet er for studentar som er tekne opp på lektorutdanning i kroppsøving og idrettsfag.

For å starte på emnet krevst gjennomført første studieår i lektorutdanninga.

Kunnskap

Studenten har inngåande kunnskap om treningsprinsipp og treningsmetodar i ein vald idrett.

Ferdigheit

Studenten har fagleg grunnlag for å leggje til rette for trening som kan bidra til auka prestasjon i ein vald idrett.

Generell kompetanse

Studenten kan kritisk bruke og vurdere forskingsbasert kunnskap som grunnlag for auka prestasjon i vald idrett.

Utover semesteravgift og pensumlitteratur er det eit krav at studenten har tilgang til ein berbar datamaskin.

Obligatorisk

Det er nødvendig med deltaking og aktivt samarbeid mellom studentane for å kunne oppnå dei ønskte utbytteformuleringane vi har sett for emnet. Her vil mellom anna undervisning, rettleiing, eigentrening og andre interaktive prosessar mellom medstudentar og mellom studentar og lærarar vere essensielle.

Studieprogrammet blir evaluert årleg av studentane gjennom emneundersøkingar (midtvegsevaluering og sluttevaluering). Evalueringa inngår som ein del av universitetet sitt kvalitetssikringssystem.

Studentar har praksis i samsvar med praksisplanen for lektorutdanninga i kroppsøving og idrettsfag. Praksis er ein del av kroppsøving og idrettsfaget i lektorutdanninga, og erfaringar studentane gjer i praksis, skal vere utgangspunkt for drøfting og analyse i studiet. Kvar student skal gjennomføre arbeidsoppgåver knytte til praksis.

Samla vurdering (SV) - Alle delane må vere godkjent/bestått for å få karakter i emnet.

Obligatorisk deltaking (OD):

Obligatorisk deltaking i undervisning, minimum 80 %, og i avtalt studentstyrt aktivitet.
Obligatorisk deltaking i laboratoriearbeid (100 %).

Arbeidskrav (AK): Eitt skriftleg arbeidskrav.

Individuell skriftleg skuleeksamen (SK). Varigheit: 6 timar. Karakteruttrykk A-F. Tel 100/100.

Hjelpemiddel til eksamen er 20 sjølvvalde vitskaplege artiklar, som skal skrivast ut og leverast til emneansvarleg minst 3 dagar før eksamen, samt pensumboka «Idrettens treningslære» Gjerset (Red.) (2015), Gyldendal, ISBN 9788205391949. Det er ikkje tillate å skrive notat verken på artiklane eller i pensumboka. Før eksamen startar får studentane utdelt sine 20 vitskaplege artiklar, og har med pensumboka sjølve.

Å generere ei besvarelse ved hjelp av ChatGPT eller liknande kunstig intelligens og levere ho heilt eller delvis som eiga besvarelse, blir rekna som fusk.