Musikkteknologi, komponering og arrangering
Opptak til eitt av studieprogramma der emnet inngår, eller opptak som enkeltemnestudent.
Dette emnet inngår i følgjande program:
- Grunnskulelærarutdanning master 5-10
- Lektorutdanning i kroppsøving og idrettsfag
- Årsstudium i musikk
Opptakskrava går fram av nettsidene til studia. Eventuelle forkunnskapskrav til emnet må vere oppfylte.
Kunnskap
Studenten
- kjenner til sentrale tema, metodar og innfallsvinklar i musikkteknologi
- har kunnskap om grunnleggjande prinsipp for arrangering og komponering
- har kunnskap om relevant fagterminologi
Ferdigheiter
Studenten
- kan analysere, lage og arrangere musikk
- kan utvikle og formidle eigne musikalske idéar både munnleg og skriftleg
- kan bruke notar og musikkteoretiske omgrep i eigen utøving og i undervisningssamanheng
Generell kompetanse
Studenten
- kan bruke relevante musikkteknologiske verktøy, inkludert kunstig intelligens og digitale verktøy, på ein reflektert og målretta måte i både utøvande, innovativt og skapande musikalsk arbeid
- har innsikt i relevante etiske, estetiske og samfunnsrelaterte problemstillingar innanfor faget musikkteknologi
- har utvikla grunnleggjande musikalsk forståing for det å lage og arrangere musikk
Fysisk og digital undervisning i Bodø. Fysisk undervisning i Levanger.
Undervisninga vil føregå i klasse og i grupper. Undervisningsformene, som òg involverer bruk av digitale verktøy, varierer mellom praktisk musisering, gruppearbeid og diskusjonar. Studentaktive læringsformer står sentralt, og studentane vil få fortløpande rettleiing. Det blir forventa stor grad av eigeninnsats i emnet.
Obligatorisk deltaking (OD) tyder at du må delta på minst 80 % av all semesterplan- og timeplanfesta undervisning/læringsaktivitet i emnet. Obligatorisk deltaking må vere godkjent for å få emnet registrert som fullført.
Samansett vurdering - alle delane må vere godkjede/bestått for å få karakter i emnet.
Obligatorisk deltaking (OD): Obligatorisk deltaking i undervisninga blir vurdert til godkjent/ikkje godkjent. Krav om å vere til stades på minst 80 % av undervisninga. Tel 0/100 av karakteren.
Arbeidskrav (AK): To arbeidskrav som omfattar innleveringar i musikkteknologi og komponering/arrangering. Arbeidskrava er spesifiserte i emnet sin semesterplan og må vere godkjende for å få avsluttande vurdering i emnet. Vurderingsuttrykk: godkjent/ikkje godkjent. Tel 0/100 av karakteren.
Mappe (MA): Mappeinnlevering som består av to arbeid knytte til læringsutbyta i emnet. Vurderingsuttrykk: A-F. Tel 100/100 av karakteren.
Alle hjelpemiddel tillatne etter Nord universitet sine forskrifter og retningslinjer.
Å generere ei besvarelse ved hjelp av ChatGPT eller liknande kunstig intelligens og levere ho heilt eller delvis som si eiga besvarelse, blir rekna som fusk. Informasjon om ChatGPT/kunstig intelligens m.m. finn du her.