Kulturforståelse, identitet og samfunn

I emnet får studenten innsikt i kva rolle musikk spelar i kultur og samfunn, både som identitetsbyggjar og som kommunikasjonsmedium. Gjennom relevant litteratur og faglege diskusjonar inviterer emnet til refleksjon over musikkens rolle i eit mangfaldig samfunn i endring, og kva musikken har å seie for livsmeistring og helse. Med utgangspunkt i forskingsbasert kunnskap om barne- og ungdomskultur, kulturelt mangfald og musikalske fellesskap/utanforståing både i skule og fritid, arbeider studentane med og reflekterer over korleis ulike formar for musikkdeltaking påverkar personleg utvikling, identitet, læring og danning.

Opptak til eitt av studieprogramma der emnet inngår, eller opptak som enkeltemnestudent.

Dette emnet inngår i følgjande program:

Grunnskulelærarutdanning master 5-10
Årsstudium i musikk
Lektorutdanning i kroppsøving og idrettsfag

Opptakskrava går fram av nettsidene til studia. Eventuelle forkunnskapskrav til emnet må vere oppfylte.

Studenten

har brei kunnskap om musikken si rolle og funksjon i kultur- og samfunnsliv, og som identitetsbyggjar både på individ- og samfunnsnivå
har kunnskap om kva som kjenneteiknar eit inkluderande læringsmiljø og eit lærande musikalsk fellesskap
har kunnskap om musikken sin betydning for livsmeistring og helse
har kunnskap om observasjon, forskings- og utviklingsarbeid i musikk som skulefag og som fritidsaktivitet

Ferdigheiter

Studenten

kan reflektere over musikken si rolle i barn og unge sine møte med eit mangfaldig samfunn i rask endring
kan ta initiativ til fagleg samarbeid og leggje til rette for musikkfagleg læring i tverrfagleg prosjektarbeid
kan bruke fagleg kunnskap til å planleggje, gjennomføre og reflektere over eige og andre sitt prosjektarbeid

Generell kompetanse

Studenten

kan stimulere mennesket si evne og vilje til å utforske, skape, oppleve og uttrykkje musikk
har innsikt i relevant fagterminologi, faglitteratur og aktuelle debatt-tema knytt til musikk som vitskaps- og kunstfag
kjenner til innovative og kreative prosessar knytta til musikalsk praksis

Utover semesteravgift og pensumlitteratur blir det lagt til grunn at studenten disponerer ein berbar datamaskin.

Valemne

Fysisk og digital undervisning i Bodø. Fysisk undervisning i Levanger.

Undervisninga vil føregå i klasse og i grupper. Undervisningsformene, som òg involverer bruk av digitale verktøy, varierer mellom praktisk musisering, førelesingar, gruppearbeid og diskusjonar. Studentaktive læringsformer står sentralt, og studentane vil få fortløpande rettleiing. Det blir forventa stor grad av eigeninnsats i emnet.

Obligatorisk deltaking (OD) tyder at du må delta på minst 80 % av all semesterplan- og timeplanfesta undervisning/læringsaktivitet i emnet. Obligatorisk deltaking må vere godkjent for å få emnet registrert som fullført.

Studieprogrammet blir årleg evaluert av studentane gjennom emneevalueringar og studieprogramevaluering. Evalueringane er ein del av universitetet sitt kvalitetssikringssystem.

Samansett vurdering - alle delane må vere godkjede/bestått for å få karakter i emnet.

Obligatorisk deltaking (OD): Obligatorisk deltaking i undervisninga blir vurdert til godkjent/ikkje godkjent. Krav om å vere til stades på minst 80 % av undervisninga. Tel 0/100 av karakteren.

Arbeidskrav (AK): Det er eitt arbeidskrav i emnet. Dette må vere godkjend for å få avsluttande vurdering i emnet. Vurderingsuttrykk: godkjent/ikkje godkjent. Tel 0/100 av karakteren.

Mappe (MA): Mappeinnlevering som består av to arbeid knytte til læringsutbyta i emnet. Vurderingsuttrykk: A-F. Tel 100/100 av karakteren.

Alle hjelpemiddel tillatne etter Nord universitet sine forskrifter og retningslinjer.

Å generere ei besvarelse ved hjelp av ChatGPT eller liknande kunstig intelligens og levere ho heilt eller delvis som si eiga besvarelse, blir rekna som fusk. Informasjon om ChatGPT/kunstig intelligens m.m. finn du her.