Komponering, arrangering og improvisasjon, del 4

MUS5024

Del 4 av dette emnet gjev spesialisert opplæring i arrangering og komponering. Fagstoffet byggjer vidare på kunnskap og ferdigheiter tileigna i tidlegare delar av emnet.

Studenten skal arbeide med å sameine stil- og instrumentkunnskap, ferdigheiter knytte til lytting og notasjon, og skapande teknikkar, i sjølvstendig, rettleidd kunstnarleg utviklingsarbeid. Arbeidet vert notert med Sibelius som notasjonssystem.

Kritisk refleksjon kring kjeldetilfang og eigne kunstnarlege val inngår som integrerte delar av dette arbeidet.

Emnet er reservert for studentar på lærarutdanning i praktiske og estetiske fag for trinn 1-13, musikk.

KUNNSKAP

Studenten

har inngåande kunnskap om ulike instrumentale og vokale ensemble, og om eigenarten til instrument og stemmer.
har inngåande kunnskap om notasjon av musikk ved bruk av notasjonsprogrammet Sibelius.
har inngåande kunnskap om bearbeiding av musikalsk kjeldemateriale.
har spesialisert kunnskap om skriftleg komponering, arrangering og tilrettelegging av musikk for ulike ensemble.

FERDIGHEITER

Studenten

kan analysere, transkribere, komponere og arrangere musikk sjølvstendig for ulike ensemble.
kan bruke notasjonsprogrammet Sibelius på avansert nivå til å notere eigne transkripsjonar, komposisjonar og arrangement.
kan komponere og arrangere musikk for ei bestemt målgruppe, til dømes ei skuleklasse
kan nytte eit utval spesialiserte komposisjonsteknikkar.

GENERELL KOMPETANSE

Studenten:

kan formidle eige kunstnarleg arbeid med fagleg tyngde og presisjon.
kan samarbeide med profesjonelle utøvarar og det frivillige musikklivet innanfor ulike musikalske tradisjonar.
kan omsetje tileigna kunnskap og ferdigheiter frå emnet til ein generell kompetanse som arrangør og komponist, og bruke denne kompetansen på nye område innan sitt felt.

Utover semesteravgift og pensumlitteratur, vert det forutsett at studenten har tilgang til ein bærbar datamaskin.

Det må òg reknast med utgifter til relevant programvare innan musikk.

Praktisk-teoretisk emne

Undervisninga vert gjennomført på campus Røstad, og tek utgangspunkt i førelesingar, diskusjonar, praktisk arbeid og individuell rettleiing.

Det er krav om obligatorisk deltaking, då interaktive prosessar, ensemblemedverknad og faglege samtalar med medstudentar og faglærarar er ein føresetnad for å kunne oppnå læringsutbyta i emnet.

Studieprogrammet vert evaluert årleg av studentane gjennom emneevalueringar og studieprogramevaluering. Evalueringane inngår som ein del av universitetet sitt kvalitetssikringssystem.

Sammensett vurdering - alle delar må vere godkjende/bestått for å få karakter i emnet.

Obligatorisk deltaking (OD):Det vert stilt krav om minimum 80 prosent deltaking i undervisning og rettleiing for å kunne gå opp til eksamen i emnet. Vurderingsuttrykk: Godkjent/Ikkje godkjent. Tel 0/100 av karakteren.

Arbeidskrav (AK): Eitt arbeidskrav. Arbeidskravet kan bestå av fleire delar og vert spesifisert i semesterplanen. Vurderingsuttrykk: Godkjent / Ikkje godkjent. Tel 0/100 av karakteren. Arbeidskravet må vere godkjent for å få endeleg karakter i emnet.

Eksamen: Mappe (MA) med to verk. Det vert gitt rettleiing i arbeidet med mappa. Studenten leverer ei samla mappe, som vert vurdert med ei samla karakter. Karakterregel: A-F, Beste A, Ikkje bestått F. Tel 100/100 av karakteren.

Alle hjelpemiddel er tillatne i samsvar med forskrifter og retningslinjer ved Nord universitet.

Unntak: Plagiering, samt bruk av ChatGPT eller liknande kunstig intelligens til å utforme eksamensproduktet og framstille det heilt eller delvis som eige sjølvstendig arbeid, vert rekna som fusk.