Profesjonsfag praksis 1. studieår

PRA1015

I første studieår er det 30 dagar rettleia, vurdert og variert praksis i vidaregåande skule. Innhaldet skal vera knytt opp mot pedagogikk og fagdidaktikk slik at studentane utviklar sin profesjonskunnskap gjennom både teori- og erfaringsbasert refleksjon.

I første studieår er det 30 dagar rettleia, vurdert og variert praksis i vidaregåande skule. Praksis vert gjennomført samanhengande gjennom 2 veker i haustsemesteret og 4 veker i vårsemesteret. Innhaldet er knytt opp mot pedagogikk og fagdidaktikk slik at studentane utviklar profesjonskunnskap gjennom både teori og erfaringsbasert refleksjon. Praksisperioden inneheld bl.a. førebuingar og etterarbeid, møter, vurderingsarbeid, kollegasamarbeid og undervisning.

Praksis er 100 % obligatorisk og alt fråvær må tas att. Det gjeld også ved sjukdom.

Emnet er for studentar som har fått opptak på bachelor yrkesfaglærar.

Kunnskapar

Studenten:

· har kunnskap om klasseleiing, læring, læreprosessar, arbeidsmåtar, læremiddel og vurderingsformer for elevar på trinn 8-13

· har kunnskap om læraren si rolle, rettigheiter og plikter, og om skulen som organisasjon

· har kunnskap om korleis grunnleggande ferdigheiter vert brukt i eige fag

· har kunnskap om forskings- og utviklingsarbeid i skulen

· har kunnskap om det faglege innhaldet i slik at det er tilpassa elevane sine føresetnader

· har kunnskap om skulen sine ressursar innan spesialpedagogikk, sosialpedagogikk, helsefremjande arbeid og karriereveiledning

Ferdigheiter

Studenten:

· kan leie læringsarbeid og tilpassa opplæringa til elevane sine individuelle føresetnader og behov

· kan åleine og saman med andre planlegge, tilpassa, gjennomføre og vurdere undervisning på trinn 8-13 ut frå pedagogisk og didaktisk kunnskap i eige fag

· kan variere og grunngje eit utval undervisningsmåtar, læremiddel og bruk av varierte læringsarenaer, sjølvstendig og gjennom elevmedverknad

· kan åleine og i samarbeid med andre støtte elevane si læring gjennom undervegvurdering, og gjennomføre sluttvurdering i fag

· kan samarbeide med elevar, føresette, kollegar, skoleleiinga og andre aktørar i skulen

Generell kompetanse

Studenten:

· kan reflektere over eigen praksis i tråd med aktuelle læreplanar, andre nasjonale styringsdokumenter og profesjonsetiske perspektiv

· kan byggje gode relasjonar og kommunisere med elevar og kollegaer

· kan framstå som rollemodell fagleg, sosialt og reflektere over profesjonsetiske spørsmål

· kan vise interesse for skulen sitt utviklingsarbeid

· kan identifisere og handtere brot på skulen sine normer og reglar

· kan reflektere over bruk av IKT i eigen undervisning

Semesteravgift og pensumlitteratur

Studenten må rekne med kostnader i samband med reise til og frå praksis. Studentar som må reise over 100 km ein veg frå semesterregistrert adresse til praksisstaden har krav på bu- og reisestønad. Nord universitet yter tilskot etter gjeldande regelverk. Retningslinjer_reise-og_botilskudd_praksis_FLU_01.08.24.pdf

Obligatorisk

Læringsaktivitetar og undervisningsmetodar

Emnet vert gjennomført i heilskap som praksisopplæring i skule. Studenten si oppgåve er å vera aktiv og interessert deltakar i praksis, og ta sitt ansvar i veiledning. Studenten skal delta i aktivitetar i klasserommet minimum 12 timer (45 min) pr uke. Aktuelle aktivitetar er observasjon, to- lærar, undervisning og veiledning av elevar på ulike læringsarenaer. Utover dette skal studenten delta i førebuing, etterarbeid, møter, vurderingsarbeid og kollegasamarbeid.

Det vert lagt vekt på observasjon i starten, men studentane skal undervise meir sjølvstendig etter kvart. Progresjonen her må vera tilpassa studenten sine tidlegare erfaringar.

Merksemda skal vera retta mot elevgruppa, læraren si rolle i skulesamfunnet, på skulen som arbeidsplass og på å bli kjent med skulen som organisasjon.

Studieprogrammet vert årleg evaluert av studentane gjennom emneundersøkingar (midtvegsevaluering og sluttevaluering). Evalueringa inngår som del av universitetet sitt kvalitetssikringssystem.

Emnet har fire skriftlege arbeidskrav (AK) som vert vurdert til godkjent/ikkje-godkjent. To loggar med oversikt over frammøte i praksis og to refleksjonsnotat skrive ut frå oppgåveteksten. Alle arbeidskrav må vera godkjent for å få endeleg karakter i emnet.

Praksis (PR) vert vurdert av praksislærar gjennom to praksisvurderingar som greidd/ikkje greidd ut frå gjennomføringsevne, deltaking, skikka og innsats.

Obligatorisk deltaking(OD) Praksis er 100 % obligatorisk og alt fråvær må tas att. Det gjeld også ved sjukdom.