3. praksisperiode
Studenten skal i andre studieår, fjerde semester, ha praksisopplæring på ungdomstrinnet i grunnskulen, og i samarbeid med medstudentar observere, planleggje, gjennomføre og vurdere undervisning under rettleiing av praksislærar og faglærar. Praksisen skal vere rettleia, variert og vurdert.
Hovudtema for praksisopplæringa i andre studieår er lærarrolla, lærararbeidet og læraren si tilrettelegging for læring og utvikling. Dette omfattar:
- Utvikling av eigen profesjonsidentitet og relasjonskompetanse
- Klasseleiing
- Planlegging og gjennomføring av undervisning, tilpassa opplæring og vurdering for læring
- Skulen som organisasjon og samarbeid med andre instansar
- Samarbeid med medstudentar, praksislærar og faglærar
- Deltaking i planlegging og gjennomføring av skule-heim-samarbeid
- Ungdomars musikalske identitetsutvikling
Emnet er forbehaldne studentar på lærarutdanning i praktiske og estetiske fag for trinn 1-13, musikk.
Det er òg krav om at tidlegare praksisperiodar er beståtte før du får tilgang til emnet.
KUNNSKAP
Studenten
- har brei kunnskap om samspel mellom elevar og mellom elev og lærar, om skuleleiing, klasseleiing, teamarbeid og skule-heim-samarbeid
- har brei kunnskap om læring, læreprosessar, arbeidsmåtar, læremiddel og vurderingsformer som særmerkjer dei praktiske og estetiske faga
- har kunnskapar om lærarrolla, rettar og plikter, og om lærararbeidet på organisasjonsnivå, inkludert kontaktlærarens arbeid og ansvar
- har erfarings- og praksisbasert kunnskap
- har kunnskap om verdiar, forståing for interesser og normer i ulike ungdomskulturar
FERDIGHETER
Studenten
- kan sjølvstendig planleggje, leggje til rette for, gjennomføre og vurdere opplæring i det praktiske og estetiske faget, tverrfagleg arbeid og utvikling av læringsmiljøet
- kan bruke ulike vurderingsmåtar for å fremje læring, elevmedverknad og lærelyst
- kan vere ein tydeleg leiar og leie læringsarbeid for ulike elevar, samt kunne rettleie i kollegafellesskap
- kan identifisere åtferd som er utfordrande for elevane si læring og drøfte korleis dette kan handterast
- kan leie gode læringsprosessar med utgangspunkt i ulike arbeidsmåtar og mål for undervisninga
- kan uttrykkje eigne refleksjonar gjennom skriftleg arbeid
GENERELL KOMPETANSE
Studenten
- kan drøfte undervisning og læring, fag og elevar i lys av gjeldande læreplanar og profesjonsetiske perspektiv
- kan planleggje og delta i skule-heim-samarbeid
- kan ta imot og bruke tilbakemeldingar på eigen praksis på ein konstruktiv måte, og kunne rettleie kollegaer
- har evne til å inkludere ulike perspektiv og mangfald i undervisninga
- har innsikt i kor viktig grunnleggande ferdigheiter er for læring i faga og for elevane si forståing av fagkunnskap
- kan vurdere og formidle dei praktiske og estetiske faga si rolle i skulen og samfunnet
Det må påreknast noko kostnad i samband med reise til og frå praksis. Nord universitet gjev tilskot til reiseutgifter etter gjeldande vedtak.
Retningslinjer for økonomisk tilskudd til studenter somgjennomfører praksisstudier ved Nord universitet
FØREBUING TIL PRAKSISOppstartsmøte og samtalar med praksislærar i forkant av oppstarten av praksisperioden.
GJENNOMFØRING AV PRAKSIS
- Observasjon av undervisninga til praksislærar og medstudentar
- Planlegging og gjennomføring av eigne undervisningsøkter, åleine og saman med medstudentar
- Evaluering av både eigne og medstudentar sine undervisningsøkter
RETTLEIINGI praksisperioden skal studenten ha inntil 10 timar rettleiing i gruppe per veke. Rettleiinga skal givast både individuelt og i gruppe, og har som mål å støtte læring og utvikling hos den enkelte studenten. Det skal gjennomførast ei individuell midtvegsevaluering og sluttevaluering i praksisperioden.
INNLEVERING AV OPPGÅVERDet er tre oppgåver knytte til praksisperioden:
- Forventningsoppgåve
- Fagoppgåve
- Eignevalueringsoppgåve
Desse oppgåvene er knytte til profesjonsfaget.
Nord universitet tildeler praksisplassar i kommunar som institusjonen har samarbeidsavtalar med.
Lærarutdanning for praktiske og estetiske fag tilbyr 130 dagar rettleia, variert og vurdert praksis. I fjerde semester vert det gjennomført 20 dagar praksisopplæring på ungdomstrinnet i grunnskulen, 8.-10. trinn. Perioden vert gjennomført samanhengande.
Det skal vere progresjon i praksisopplæringa, og ho skal ha ein integrerande funksjon i utdanninga. Rettleiing og vurdering av praksis er eit felles ansvar for faglærar, praksislærar og rektor ved praksisskulen. Utviklinga av studentens kompetanse knytt til det å vere lærar skjer i eit gjensidig forhold mellom praksisarena og undervisningsarena.
Løpande skikkaheitsvurdering av alle studentar skal føregå gjennom heile studiet, både i den teoretiske og den praktiske delen av studiet, og inngå i ei heilskapleg vurdering av studentens føresetnader for å kunne fungere i yrket.
Praksis blir vurdert til Bestått / Ikkje bestått.
For å få bestått praksis må studenten, etter ei heilskapleg vurdering, ha oppnådd læringsutbyttet for praksisemnet, ha 100 % oppmøte, samt ha gjennomført og fått godkjent alle oppgåver som høyrer til praksisperioden. Fråvær frå praksis eller manglande godkjenning av oppgåver vil i seg sjølv føre til Ikkje bestått. Studentar som får Ikkje bestått i praksis, må gjennomføre ny praksis i si heilskap.
Oppgåver som høyrer til praksisperioden:
- Innlevering om forventningar til praksis, leverast digitalt i læringsplattforma
- Innlevering av sjølvevaluering, leverast digitalt i læringsplattforma
- Fagoppgåve i profesjonsfaget om praksis med gitt oppgåvetekstOppgåvene blir vurderte av aktuell faglærar.
På vitnemålet blir karakterane i alle praksisemne slått saman til éin karakter i praksisopplæring.
Den rettleia praksisopplæringa i studieåret må vere bestått for at studentane skal kunne halde fram med utdanninga i påfølgjande studieår.
Ny / utsett eksamen:
I følgje Forskrift om studiar og eksamen ved Nord universitet har studentar rett til å gjennomføre praksisopplæring to gonger. Ved Ikkje bestått ved første forsøk, må studenten vente til neste gong same praksisperiode blir gjennomført, for å kunne gjennomføre nytt forsøk. Studenten må melde seg skriftleg opp til ny praksis ved studiestart. Ny praksis blir gjennomført etter dei same retningslinjene som ordinær praksis. Studenten vil få skriftleg melding om Ikkje bestått.