6. praksisperiode

I fjerde studieår, sjuande semester, er det femten dagar rettleia, vurdert og variert praksis i vidaregåande skule, der innhaldet skal knytast til pedagogikk og musikkdidaktikk. Målet er at studentane skal utvikle profesjonskunnskapen sin gjennom både teori- og erfaringsbasert refleksjon.

Det skal vere progresjon i praksisopplæringa, og ho skal ha ein integrerande funksjon i lærarutdanninga. Rettleiing og vurdering av praksis er eit felles ansvar for faglærarar, praksislærarar og rektor ved praksisskulen. Utviklinga av studentane si kompetanse knytt til det å vere lærar skjer i eit gjensidig samspel mellom praksisarena og undervisningsarena.

Emnet er forbeholdt studentar på lærarutdanning i praktiske og estetiske fag for trinn 1-13, musikk.

Det er òg krav om at tidlegare praksisperiodar er beståtte før du får tilgang til emnet.

Det er krav om progresjon i praksis. Dette tyder at tidlegare praksisperiodar må vere beståtte for at studentane skal kunne halde fram med utdanninga inneverande studieår.

Kunnskap

Studenten

har kunnskap om vurderingsarbeid i vidaregåande skule og kjenner til omgrepa vurdering for læring / undervegsvurdering, sluttvurdering og undervisningsvurdering
har inngåande kunnskap om samspel mellom elevar og mellom elev og lærar, om skuleleiing, klasseleiing, teamarbeid og skule-heim-samarbeid
har inngåande kunnskap om skulen som organisasjon og samfunnsinstitusjon, samt om lokale og nasjonale kvalitetssystem
har kunnskap om forskings- og utviklingsarbeid i skulen
har kunnskap om struktur, hovudområde og organisering av programfaga

Ferdigheiter

Studenten

kan bruke digitale verktøy i planlegging, dokumentasjon og gjennomføring av undervisning
kan meistre ulike vurderingssituasjonar og leggje til rette for elevane si eiga vurdering
kan vere ein tydeleg leiar og leie læringsarbeid for ulike elevar, samt kunne rettleie i kollegafellesskap
kan identifisere åtferd som er utfordrande for elevane si læring, og drøfte korleis dette kan handterast
kan åleine og saman med andre planleggje, tilretteleggje, gjennomføre og vurdere opplæring i det praktiske og estetiske faget, i tverrfagleg arbeid og i utvikling av læringsmiljøet

Generell kompetanse

Studenten

kan nytte relevant fagdidaktikk, formidle eigne musikalske oppfatningar i ulike samspel- og undervisningssituasjonar, og reflektere over eiga rolle som musikar og leiar
kan drøfte undervisning og læring, fag og elevar i lys av gjeldande læreplanar og profesjonsetiske perspektiv
kan reflektere over eigen og andre si praksis i lys av teori og forsking
kan ta imot og bruke tilbakemeldingar på eigen praksis på ein konstruktiv måte, og kunne rettleie kollegaer
har innsikt i korleis grunnleggjande ferdigheiter verkar inn på fagleg læring og elevane si forståing av fagkunnskap
kan vurdere og kritisk reflektere over eigen lærarkompetanse og eige læringsbehov, og bidra til nytenking om profesjonsutøving
kan vurdere og kommunisere dei praktiske og estetiske faga si rolle i skulen og i samfunnet
kan ivareta krava til helse, miljø og tryggleik innanfor eige fagområde og i lærarprofesjonen generelt
kan samhandle med kollegaer, skuleleiing og andre offentlege instansar og aktørar innanfor og utanfor skulen

Det må påreknast noko kostnad i samband med reise til og frå praksis. Nord universitet gjev tilskot til reiseutgifter etter gjeldande vedtak.

Retningslinjer for økonomisk tilskudd til studenter som gjennomfører praksisstudier ved Nord universitet

Praksisemne

FORBEREIDING AV PRAKSIS

Oppstartsmøte og samtalar med praksislærar i forkant av oppstart for praksisperioden.

GJENNOMFØRING AV PRAKSIS

Observasjon av praksislærar sin og medstudentar si undervisning
Planlegging og gjennomføring av eigne undervisningsøkter, aleine og saman med medstudentar
Evaluering av både eigne og medstudentar sine undervisningsøkter.

VEILEDNING

I praksisperioden skal studenten ha inntil 10 timar veiledning i gruppe per veke. Veiledninga skal givast både individuelt og i gruppe, og har som mål å støtte læring og utvikling hos den enkelte studenten. Det skal gjennomførast ei individuell midtevaluering og sluttevaluering i praksisperioden.

OPPGÅVEINNLEVERING

Det er 3 oppgåver knytt til praksisperioden:

Forventningsoppgåve
Fagoppgåve
Eigenevalueringsoppgåve

Desse oppgåvene blir gjennomførte i vårsemesteret og er knytt til profesjonsfaget.

Studieprogrammet blir årleg evaluert av studentane gjennom emneundersøkingar (midtvegsevaluering og sluttevaluering). Evalueringa inngår som ein del av universitetet sitt kvalitetssikringssystem.

Nord universitet tildeler praksisplassar i kommunar som institusjonen har samarbeidsavtalar med.

Lærarutdanning i praktiske og estetiske fag omfattar totalt 130 dagar veileidd, variert og vurdert praksis. I sjuande semester vert det gjennomført 15 dagar praksisopplæring i vidaregåande opplæring i haustsemesteret. Praksisdagane skal gjennomførast i ei samanhengande periode på 3 veker.

Det skal vere progresjon i praksisopplæringa, og ho skal ha ei integrerande funksjon i utdanninga. Veileding og vurdering av praksis er eit felles ansvar for faglærarar, praksislærarar og rektor ved praksisskulen. Utviklinga av studentens kompetanse knytt til det å vere lærar skjer i eit gjensidig forhold mellom praksisarena og undervisningsarena.

I tillegg til den veileidde praksisen kjem ulike typar ikkje-veileidd praksis knytt til dei enkelte undervisningsfaga.

Døme på slik praksis kan vere observasjonar, datainnsamlingar og utprøvingar i skulen.

Løpande skikkelegheitsvurdering av alle studentar skal føregå gjennom heile studiet, både i den teoretiske og den praktiske delen av studiet, og inngå i ei heilskapleg vurdering av studentens føresetnader for å kunne fungere i yrket.

Praksis vert vurdert til Bestått/Ikke bestått.

For å bestå praksis må studenten, etter ei samla vurdering, ha oppnådd læringsutbyttet for praksisemnet, ha 100 % oppmøte, og ha gjennomført og fått godkjent alle oppgåver som høyrer til praksisperioden. Fråvær frå praksis eller manglande godkjenning av oppgåver vil i seg sjølv føre til ikkje bestått. Studentar som får ikkje bestått i praksis, må gjennomføre ny praksis i sin heilskap.

Oppgåver som høyrer til praksisperioden:

Innlevering av forventningar til praksis, leverast digitalt i læringsplattform
Innlevering av eigenevaluering, leverast digitalt i læringsplattform
Fagoppgåve i profesjonsfaget om praksis med gitt oppgåvetekst

Oppgåvene vert vurderte av aktuell faglærar.

På vitnemålet vert karakterane i alle praksisemna slått saman til éin karakter i praksisopplæring.

Den rettleidde praksisopplæringa i studieåret må vere bestått for at studentane skal kunne halde fram med utdanninga påfølgjande studieår.

Ny/utsatt eksamen:

I følgje «Forskrift om studier og eksamen ved Nord universitet» har studentar rett til å framstille seg til praksisopplæring to gonger. Ved ikkje bestått på første forsøk må studenten vente til neste gong same praksisperiode vert gjennomført for å framstille seg til nytt forsøk. Studenten må skriftleg melde seg opp til ny praksis ved studiestart. Ny praksis vert gjennomført etter same retningslinjer som ordinær praksis. Studenten vil få ei skriftleg melding om ikkje bestått.

Å generere ei besvarelse ved hjelp av ChatGPT eller liknande kunstig intelligens og levere ho heilt eller delvis som si eiga besvarelse, blir rekna som fusk. Informasjon om ChatGPT/kunstig intelligens m.m. finn du her.

Tidlegare praksisperiodar må vere beståtte for at studentane skal kunne halde fram med utdanninga inneverande studieår.