7. praksisperiode
Studenten skal i fjerde studieår, sjuande semester, ha 15 dagar med praksisopplæring i kulturskulen.
Praksisen skal vere rettleidd og vurdert.
Tema for praksisopplæringa er kulturskulen som organisasjon, lærararbeidet og læraren si tilrettelegging for instrumentalopplæring.
Sentrale område er:
Planlegging, gjennomføring og vurdering av undervising, pedagogisk tilrettelegging i møte med elevar; metodar i læringsarbeidet individuelt og i grupper, utøvande og relasjonelle ferdigheiter som grunnlag for læring, og kreative og skapande prosessar.
Emnet er forbehaldne studentar på lærarutdanning i praktiske og estetiske fag for trinn 1-13, musikk.
Det er òg krav om at tidlegare praksisperiodar er bestått før du får tilgang til emnet.
KUNNSKAPAR
Studenten
- har forståing for og er i stand til å delta i ein drøfting av kulturskulelærarens rolle
- har kunnskap om læring, læreprosessar, arbeidsmåtar, læremiddel og vurderingsformer i kulturskulen
- har erfarings- og praksisbasert kunnskap
- har forståing for og kan drøfte utøvande og relasjonelle ferdigheiter som grunnlag for læring
- har god forståing av musikkdidaktisk og utøvande tenking
- har kunnskap om lærarens rolle som kulturformidlar
FERDIGHETER
Studenten
- kan åleine eller saman med andre planleggje, gjennomføre og vurdere undervising i kulturskulen
- kan bruke musikkfagleg kunnskap på tvers av fagområda i eige arbeid og i verksemd med elevar i ulik alder og med ulik ferdigheit i musikk
- kan nytte ulike vurderingsmåtar for å fremje læring, elevmedverknad og lærelyst
- kan bruke vurdering som ein del av læringsarbeidet og leggje til rette for elevane si eiga vurdering
- kan utvikle mål for opplæringa og vurdere elevane sin måloppnåing
- kan motivere og rettleie elevane, og tilpasse opplæringa til elevane sine evner og anlegg, interesser og deira sosiale og kulturelle bakgrunn
- kan vere ein tydeleg leiar og leie læringsarbeid for ulike elevar, samt kunne rettleie i kollegafellesskap
- kan identifisere åtferd som er utfordrande for elevane sin læring og drøfte måtar dette kan handterast på
GENERELL KOMPETANSE
Studenten
- kan drøfte undervising og læring, fag og elevar i lys av aktuelle læreplanar og profesjonsetiske perspektiv
- kan reflektere over eigen og andre sin praksis i lys av teori og forsking
- kan ta imot og bruke tilbakemeldingar på eigen praksis på ein konstruktiv måte og kunne rettleie kollegaer
- har innsikt i grunnleggande ferdigheiter si tyding for læring av fag og elevane si forståing av fagkunnskap
- kan vurdere og kritisk reflektere over eigen lærarkompetanse og eige læringsbehov
- kan ivareta krava til helse, miljø og tryggleik innanfor eige fagområde og i lærarprofesjonen elles
- kan samhandle med kollegaer, skuleleiiing, føresette og andre offentlege instansar og aktørar i og utanfor skulen
Det må påreknast noko kostnad i samband med reise til og frå praksis. Nord universitet gjev tilskot til reiseutgifter etter gjeldande vedtak.
Retningslinjer for økonomisk tilskudd til studenter somgjennomfører praksisstudier ved Nord universitet
FORBEREIDING AV PRAKSIS
Oppstartsmøte og samtalar med praksislærar i forkant av praksisperioden.
GJENNOMFØRING AV PRAKSIS
1 veke observasjonspraksis, deretter 10 dagar med vekevis punktpraksis.Observasjon av praksislærarens og medstudentar si undervisning.Planlegging og gjennomføring av eigne undervisningsøkter, både aleine og saman med medstudentar.Evaluering av både eigne og medstudentar sine undervisningsøkter.
VEILEDING
I praksisperioden skal studenten ha inntil 10 timar veileding per veke. Veiledinga skal vere både individuell og i gruppe, og skal støtte læring og utvikling hjå kvar enkelt student. Det skal gjennomførast ein individuell midtevaluering og ein sluttevaluering i praksisperioden.
OPPGAVEINNLEVERING
Det er 3 oppgåver knytt til praksisperioden:
- Forventningsoppgåve
- Fagoppgåve
- Egenevalueringsoppgåve
Desse oppgåvene er knytt til profesjonsfaget.
Nord universitet tildeler praksisplassar i kommunar som institusjonen har samarbeidsavtalar med.
Lærarutdanning for praktiske og estetiske fag tilbyr 130 dagar veileda, variert og vurdert praksis. I sjuande semester vert det gjennomført 15 dagar praksisopplæring i kulturskulen. Perioden startar med 5 dagar (ei veke) observasjonspraksis. Deretter vert praksis gjennomført som punktpraksis, med inntil 2 undervisningsdagar per veke i om lag 10 veker. Det skal vere progresjon i praksisopplæringa, og ho skal ha ei integrerande funksjon i utdanninga. Veileding og vurdering av praksis er eit felles ansvar for faglærarar, praksislærarar og rektor ved praksisskulen. Utviklinga av studentens kompetanse knytt til det å vere lærar, skjer i eit gjensidig forhold mellom praksisarena og undervisningsarena.
Løpande skikkelegheitsvurdering av alle studentar skal skje gjennom heile studiet, både i den teoretiske og den praktiske delen av studiet, og inngå i ei heilskapleg vurdering av studentens føresetnader for å kunne fungere i yrket.
Praksis (PR) vert vurdert til Bestått/Ikke bestått.
For å bestå praksis må studenten, etter ei samla vurdering, ha oppnådd læringsutbyttet for praksisemnet, ha 100 % oppmøte, og ha gjennomført og fått godkjent alle oppgåver som høyrer til praksisperioden. Fråvær frå praksis eller manglande godkjenning av oppgåver vil i seg sjølv føre til ikkje bestått. Studentar som får ikkje bestått i praksis, må gjennomføre ny praksis i sin heilskap.
Oppgåver som høyrer til praksisperioden:
- Innlevering av forventningar til praksis, leverast digitalt i læringsplattform
- Innlevering av eigenevaluering, leverast digitalt i læringsplattform
- Fagoppgåve i profesjonsfaget om praksis med gitt oppgåvetekst
Oppgåvene vert vurderte av aktuell faglærar.
På vitnemålet vert karakterane i alle praksisemna slått saman til éin karakter i praksisopplæring.
Den rettleidde praksisopplæringa i studieåret må vere bestått for at studentane skal kunne halde fram med utdanninga påfølgjande studieår.
Ny/utsatt eksamen:
I følgje «Forskrift om studier og eksamen ved Nord universitet» har studentar rett til å framstille seg til praksisopplæring to gonger. Ved ikkje bestått på første forsøk må studenten vente til neste gong same praksisperiode vert gjennomført for å framstille seg til nytt forsøk. Studenten må skriftleg melde seg opp til ny praksis ved studiestart. Ny praksis vert gjennomført etter same retningslinjer som ordinær praksis. Studenten vil få ei skriftleg melding om ikkje bestått.