Diabetes- Sykdomslære, komplikasjoner og behandling

SYK5005

Dette er emnet for sjukepleiarar innan kommune- og spesialisthelsetenesta som ønskjer å utvide kunnskapsgrunnlaget sitt og tileigne seg kliniske og praktiske ferdigheiter innan fagområdet diabetes.

Emnet skal gi studenten avansert kunnskap i sjukdomslære og sjukdomsprosess innanfor diabetessjukdomar, epidemiologi, symptom og behandlingsformer. Studenten skal få djupare innsikt i korleis legemiddel knytt til diabetes verkar i kroppen, biverknader og interaksjonar. I emnet får studenten også inngåande kunnskap om akutte komplikasjonar, seinkomplikasjonar og livsstilsbehandling.

Tema som blir gjennomgått i emnet, er blant anna: anatomi og fysiologi/patofysiologi, sjukdomslære, diagnostisering, epidemiologi / metabolsk syndrom, blodsukker, akutte komplikasjonar, den akutt sjuke diabetespasienten.

Emnet kan tas av enkeltemnestudent. Sjå informasjon om søknad til enkeltemner: https://www.nord.no/studier/opptak/opptak-til-enkeltemner Opptakskrav til emnet er likt som for studieprogrammet: Diabetessykepleie

Kunnskap:

Har avansert kunnskap om sjukdomsutvikling og akutte/seinkomplikasjonar ved diabetes
Har avansert kunnskap om medikamentelle behandlingsprinsipp og livsstilsbehandling ved diabetes
Har inngåande kunnskap om sentrale undersøkings- og diagnostiske metodar ved diabetes og diabetesrelaterte komplikasjonar
Har inngåande kunnskap om tolking av blodsukker og blodsukkerkurver

Ferdigheiter:

Kan analysere og forhalde seg kritisk til ulike informasjonskjelder og vitskaplege artiklar
Kan arbeide kunnskapsbasert og gjere sjølvstendige kliniske undersøkingar og vurderingar av personar med diabetes og diabetesrelaterte komplikasjonar
Kan kritisk analysere kliniske problemstillingar med bakgrunn i kunnskapar om diabetesbehandling og omsorg

Generell kompetanse:

Kan anvende kunnskapane og ferdigheitene sine om diabetes i analyse og vurdering av helseproblema til personar med diabetes

Ut over semesteravgift og pensumlitteratur, er det eit krav at studenten har tilgang til datamaskin med mikrofon og videoutstyr av rimeleg god kvalitet for samtale. Det vert òg kravd stabilt internett med tilstrekkeleg kapasitet for å kunne delta i nettbasert undervisning og gruppearbeid

Teoriemne. Obligatorisk emne for studentar ved studiet Diabetessjukepleie.

Samlingsbasert, med samlingar i Bodø, der ein kombinerer nettbasert og fysisk undervisning, totalt 9 dagar. Første samling blir gjennomført fysisk, medan andre og tredje samling blir gjennomført digitalt. Samlingar på 3 dagar med førelesningar, casar, gruppearbeid og refleksjonssirklar.

Undervisninga består av veksling mellom førelesningar, studentaktivitetar og seminar. Utvalde delar av pensum blir behandla i førelesningar, men studenten har sjølv ansvar for å gjennomgå alt pensum. Det er forventa at studentane påverkar innhaldet i diskusjonar og seminar ved å bidra med eigne innspel og kommentarar.

Studentane evaluerer studieprogrammet årleg gjennom emneevalueringar og studieprogramevaluering. Evalueringane inngår som ein del av universitetet sitt kvalitetssikringssystem.

Samansett vurdering (SV), karakterregel A-F:

Arbeidskrav (AK), tel 0/100 av karakteren, karakterregel Godkjent / Ikkje godkjent. Må vere godkjent for å få karakter i emnet.
Obligatorisk deltaking (OD), tel 0/100 av karakteren, karakterregel Godkjend/Ikkje godkjend. Må vere godkjend for å få karakter i emnet. Det er obligatorisk deltaking på fysiske samlingar, og deltaking vert rekna dag for dag
Skriftleg skuleeksamen (SK), individuell, 4 timar, tel 100/100 av karakteren, karakterregel A-F.

Penn, linjal, og inntil 2 stk. tospråklege ordbøker

Språk

Norsk

Studiepoeng

Studiested

Bodø

Ansvarlig fakultet

Fakultet for sykepleie og helsevitenskap

Emneansvarlig

Informasjon om emneansvarlig for valgt semester er ikke lenger tilgjengelig. Ta kontakt med nåværende emneansvarlig.