Lærerdyktighet - lett og tung motorsykkel
Emnet TRA6513 må vere gjennomført og bestått før studenten kan starte på emnet TRA6501.
For å kunne starte med emnet må studenten melde inn praksisstad og periode til Nord universitet innan fristen som blir gitt. Nord universitet sender søknad om mellombels godkjenning som trafikklærar klasse A til Statens Vegvesen på vegner av studenten. Deretter må studenten vente på vedtak om mellombels godkjenning.
Kunnskap
Studenten
- har vidareutvikla og oppdatert sine trafikale kunnskapar
- har brei kunnskap om sentrale tema, problemstillingar, prosessar, verktøy og metodar innan læring og undervisning i fagfeltet
- har vidareutvikla og oppdatert si kunnskap om forskings- og utviklingsarbeidet som blir utført innan fagfeltet
Ferdigheit
Studenten
- kan bruke fagleg kunnskap og relevante resultat frå forskings- og utviklingsarbeid på praktiske og teoretiske problemstillingar
- kan gjere grunngjevne val innan kjøreatferd som tek omsyn til verdiar som helse, miljø og tryggleik i trafikken, samtidig som rasjonell transport blir vektlagt
- kan reflektere over eigen evne til å planleggje og gjennomføre teoretisk og praktisk opplæring av motorsykkel- og mopedførarar, og på grunnlag av anerkjende pedagogiske og didaktiske prinsipp justere denne under rettleiing
- kan tilpasse undervisninga til elevane sine føresetnader for at opplæringa skal bli så meiningsfull og målretta som mogleg
Generell kompetanse
- kan formidle og utveksle synspunkt på sentralt fagstoff som teoriar, problemstillingar og løysingar både skriftleg, munnleg og gjennom andre relevante uttrykksformer
- har innsikt i å vurdere eigen undervisning i tråd med etiske krav og retningslinjer
- har vidareutvikla evne til å utveksle synspunkt og erfaringar med andre med bakgrunn innan fagområdet og gjennom dette bidra til utvikling av god praksis
Samansett vurdering:
- Obligatorisk deltaking: Fem dagar (i same veke) ved ein sjølvvalt trafikkskule. Karakteruttrykk er Godkjent / Ikkje godkjent.
- Oppgåve, individuell: Loggbok frå praksis og refleksjonsrapport. Refleksjonsrapporten kan ha eit omfang på 6 -8 sider. Karakteruttrykk er Bestått / Ikkje bestått.
- Begge delar må vere fullførte og beståtte for å få samla karakter i emnet. For å få godkjent obligatorisk deltaking må studenten ha minst 90 % oppmøte over fem dagar.
Organisering av praksis ute på trafikkskulane - oversikt over arbeidsmåtar som skal veljast:
- Pedagogisk observasjon av rettleiaren si undervisning
- Minst 10 timar eigen undervisning med rettleiar til stades
- Eigen undervisning med rettleiar tilgjengeleg
Det praktisk pedagogiske arbeidet skal minst innehalde følgjande:
Totalt 35 timar som kan innehalde: Pedagogisk observasjon av både teoretiske og praktiske timar
Av dei 35 timane skal dette inngå: Minst 20 timar praktisk-pedagogisk arbeid som skal samlast i ei veke (måndag-fredag)
Av dei 20 timane skal dette inngå: Minst 5 timar som omhandlar obligatoriske emne