Tverrprofesjonell veiledning
Rettleiingspedagogikk for helse- og sosialfag 1 gir grunnleggande kompetanse i rettleiing av studentar, elevar, fagtilsette, leiarar, brukarar av ulike tenester og andre grupper i utdanning og yrkessamanheng. Det teoretiske og praktiske fundamentet tar utgangspunkt i humanistisk tradisjon og menneskesyn. Læring og endringsprosessar, konfluenspedagogikk, relasjon og samspel samt tverrprofesjonell samarbeidslæring er sentralt.
Sentrale tema:
- Rettleiinga sitt verdigrunnlag og menneskesyn
- Personsentrerte, gestalt- og kognitive teoriar og metodar i rettleiing
- Rettleiing og kompetanseutvikling
- Rettleiing i tverrprofesjonelt perspektiv, roller og samspelprosessar
- Rettleiing som pedagogisk og sosial prosess
- Læring- og endringsprosessar
- Vurderings- og tilbakemeldingsformer
- Etiske, juridiske og faglege krav til rettleiing
Etter fullført Rettleiingspedagogikk for helse- og sosialfag 1 har studenten følgjande sluttkompetanse:
Kunnskap:
- Inngåande kunnskap om utvalde sentrale teoriar, metodar, omgrep og empiri innan rettleiing
- Inngåande kunnskap om rettleiaren sine roller og funksjonar i eit tverrfagleg perspektiv
- Inngåande kunnskap om relasjon og kommunikasjon i eit rettleiingsperspektiv
- Inngåande kunnskap om læring og læringsprosessar
- Inngåande kunnskap om etiske og juridiske krav til rettleiing
Ferdigheiter:
- Planleggje, organisere, leie og gjennomføre rettleiingssamtalar individuelt og i gruppe innanfor eigen profesjon og tverrprofesjonelt
- Anvende rettleiingsprosessen som ein pedagogisk og fagleg lærings- og utviklingsprosess
- Planleggje og gjennomføre vurderingssamtalar og foreta løpande skikkavurdering
- Drive fagutvikling og vurdering og utprøving av ulike rettleiingsmodellar og -metodar, studentaktive læringsformer og digitale arbeidsformer
Generell kompetanse:
- Kritisk vurdere eiga rettleiingsrolle og konteksten for rettleiinga
- Reflektere over eiga åtferd og eigen kommunikasjon, grunngje eigen rettleiingspraksis og eventuelt justere denne
- Identifisere og analysere utfordringar samt etiske dilemma og juridiske utfordringar i rettleiing, og drøfte val av tilnærming og handlingsalternativ
- Anvende kunnskapar og ferdigheiter i utfordrande samtalar
Emnet blir tilbydd som tverrfagleg deltidsstudium over eitt semester med digitale samlingar og seminar, og eigenaktivitet mellom samlingane.
Studiet byggjer på konfluenspedagogikk med fokus på erfaringslæring og studentaktive læringsformer.
Grunnleggande teoriar og metodar innan rettleiing blir integrerte i praktiske øvingar og skriftlege produkt. Læringsaktivitetar vekslar mellom førelesningar, rettleiingsøvingar, gruppearbeid, rollespel, rettleiing på rettleiingspraksis i gruppe, loggskriving og sjølvstudium. Studentane skal gjennomføre ein rettleiingspraksis som primært skal føregå på eigen arbeidsplass.
Samlinger vår 2026:
- samling - uke 4 22. og 23. januar 09.00 - 15.00 begge dager
- samling - uke 8 19. februar 09.00 - 12.00
- samling - uke 12 19. og 20. mars 09.00 - 15.00 begge dager
- samling - uke 15 9. april 09.00 - 12.00
- samling - uke 19 7. og 8. mai 09.00 - 15.00 begge dager
Samansett vurdering (SV), karakterregel A-F:
- Obligatorisk deltaking (OD) på studiesamlingar, digitale seminar, rettleiing og rettleiingspraksis i gruppe, 80 % oppmøte, tel 0/100, karakterregel Godkjent / Ikkje godkjent.
- Praksis (P), tel 0/100, karakterregel Bestått / Ikkje bestått. Studentane skal gjennomføre 15 timar rettleiingspraksis. Av desse er 10 timar direkte rettleiing, og 5 timar er føre- og etterarbeid. Praksis skal primært føregå på studenten sin eigen arbeidsplass eller i annan relevant yrkessamanheng. Studenten tar sjølv initiativ til å planleggje og organisere praksisen sin ut frå dei moglegheitene ho/han har.
- Arbeidskrav 1 (AK1), individuell plan for rettleiingspraksis, tel 0/100, karakterregel Godkjent / Ikkje godkjent
- Arbeidskrav 2 (A2K), individuelle refleksjonsloggar frå gjennomført rettleiing, tel 0/100, karakterregel Godkjent / Ikkje godkjent. Arbeidskrava må vere godkjende for å få bestått praksis.
- Heimeeksamen (HJ), individuell, 5 dagar, tel 100/100, karakterregel A-F. Obligatorisk deltaking, praksis, begge arbeidskrava og heimeeksamen må vere godkjende/beståtte for å få karakter i emnet.
Eksamenssvara skal alltid utarbeidast av kandidaten sjølv. Å generere oppgåvesvar ved hjelp av ChatGPT eller liknande kunstig intelligens og levere dei heilt eller delvis som eigne svar, er å rekne som fusk.
For meir informasjon om ChatGPT eller liknande kunstig intelligens, samt kjeldevising, ureglementert samarbeid og plagiering: Sjå Retningslinjer for eksamenskandidatar ved Nord universitet - rektorvedtak 16.05.23 https://www.nord.no/student/eksamen
Med overlapp menes en faglig likhet mellom emner med samme faginnhold. Du vil derfor få følgende reduksjon i studiepoeng om du har tatt emner som er angitt under:
VEP510 - Veiledningspedagogikk 1 - 10 Studiepoeng