Øystein Lydik Idsø Viken

Eg har ph.d. i historie frå Universitetet i Oslo, på ei avhandling om kyrkja som politisk instrument i Noreg frå 1720 til 1814.

Tidlegare har eg vore førstelektor ved Universitetet i Oslo og førsteamanuensis ved Høgskulen i Volda. Frå 2020 til 2023 var eg oppdragsforskar og forfattar av «Namdalens historie etter 1837». Vidare har eg vore redaktør for Norgeshistorie.no og Allkunne, samt prosjektleiar for Historienes Trøndelag, for heving av sørsamiske perspektiv på trønderske museum. I dag er eg fagredaktør for SNL.no.

Særleg har eg forska på dansk-norsk tidleg nytid, på politisk kultur, religion, maktforhold og offentlegheit då. Samtidig har eg analysert og skrive om fleire emne, som skolehistorie, sørsamisk historie og miljøhistorie. Eg har undervist på bachelor- og masternivå i emne innan eldre og nyare historie, historieformidling, internasjonal politikk og makt, offentlegheit, kristninga og ex.fac.