Husdyrernæring 1

HUS1008

Kva skal me fôra husdyra våre med, og kvifor? Korleis får dei ulike artane i seg fôr, og kva skjer eigentleg inne i kroppane deira når fôret blir fordøydd? Kva forskjellar er det mellom ulike artar, og korleis kan me leggja til rette for at dyra skal halda seg friske gjennom å fôra dei rett? Dette er noko av det du skal læra om i dette emnet.

Emnet gir ei grunnleggjande innføring i anatomien og fysiologien til fordøyingsorgana hos dei vanlegaste husdyrartane i Noreg. Emnet omfattar einmaga dyr - gris, hest, fjørfe (høns/kylling, kalkun), drøvtyggjarar (storfe, sau og geit), hund og katt. Emnet gir også ei grunnleggjande innføring i oppbygningen og absorpsjonen til næringsstoffa, og korleis ernæring kan påverka helsa og velferda til dyra.

Emnet er reservert for studentar på følgjande studieprogram:

Husdyrvelferd, årsstudium
Husdyrvitskap, bachelorgradsstudium

Kvalifiserte enkeltemnestudentar kan få tilgang dersom det er kapasitet (førstemann til mølla). Ta kontakt med studierettleiar.

Studentane må oppfylle gjeldande opptakskrav ved tilhøyrande studieprogram.

Ein student som har fullført utdanninga, er forventa å ha oppnådd følgjande læringsutbytte definert i kunnskapar, ferdigheiter og generell kompetanse:

Kunnskapar:

har kunnskap om oppbygging, klassifisering og ulike eigenskapar for karbohydrat, feitt, protein, vitamin og mineral, og dessutan betydninga av desse næringsstoffa for organismen
har kunnskap om anatomien til fordøyingsorgana hos einmaga dyr og drøvtyggjarar
har kunnskap om fysiologien til fordøyingsorgana hos einmaga dyr og drøvtyggjarar
har kunnskap om absorbsjon av næringsstoff frå fordøyingssystemet
har kunnskap om vomfunksjon, vommas mikrobiom, og kva betydning pHen i vomma har for fordøying og helse
har kunnskap om utvikling av fordøyingssystemet hos drøvtyggjarar, frå fødsel og fram til vomfunksjonen er ferdig utvikla
har kunnskap om korleis feil eller mangelfull ernæring kan føra til sjukdom hos einmaga dyr og drøvtyggjarar

Ferdigheiter:

forklara samanhengar mellom næringsinnhald og struktur i ulike fôrtypar
forklara prosessane i fordøyingssystemet i ulike artar, og kva betydning desse har for produksjon, helse og velferd hos ulike dyrelag
forklara forskjellen mellom fordøyingssystema hos einmaga dyr og drøvtyggjarar

Generell kompetanse:

har grunnleggjande innsikt i korleis fôrmidlar kan påverka produksjon og helsa på individnivå og besetningsnivå, og er i stand til å formidla dette i ein fagleg samanheng

Utover semesteravgift og pensumlitteratur blir det føresett at studenten disponerer ei berbar datamaskin.

Obligatorisk

Undervisninga består av forelesingar og øvingar.

Studieprogrammet blir evaluert årleg av studentane gjennom emneevalueringar og studieprogramevaluering. Evalueringane inngår som ein del av universitetet sitt kvalitetssikringssystem.

Samansett vurdering

Må vera godkjent før framstilling til skriftleg skuleeksamen:

Obligatorisk oppmøte på 2 av 3 øvingar. Godkjent / ikkje godkjent.
2 arbeidskrav. Godkjent / ikkje godkjent.

Eksamen:

Skriftleg skuleeksamen, 4 timar, karakterregel A-F.

Bærbar datamaskin, penn, linjal, inntil 2 stk. tospråklege ordbøker og enkel kalkulator.

Å generera svar ved hjelp av kunstig intelligens og levera det heilt eller delvis som eige svar er å rekna som fusk. Les meir her: Bruk av generativ kunstig intelligens (KI) i studier

Det er tilrådd forkunnskapar tilsvarande HUS1005 Husdyra sin anatomi og fysiologi, HUS1006 Dyrevelferd og etologi og KJE1000 Grunnleggjande kjemi.

Overlapp vil seie at det er ein fagleg likskap mellom emne med same faginnhald. Derfor vil du få få følgande reduksjon i studiepoeng dersom du har tatt emne som er nemnde nedanfor:

HUS120 - Fysiologi og anatomi - 2.5 Studiepoeng

HUS210 - Husdyrernæring - 2.5 Studiepoeng

Språk

Norsk

Studiepoeng

7.5

Studiestad

Steinkjer

Undervisningssemester

Vår 2026

Ansvarleg fakultet

Fakultet for biovitenskap og akvakultur

Emneansvarleg

Førsteamanuensis

Magnhild Oust Torske

magnhild.o.torske@nord.no