Masteroppgave
Tema og problemstilling for masteroppgåva kan ha ulik karakter innanfor fagfeltet til masterprogrammet. Masteroppgåva skal innehalde eit litteraturstudium og eit empirisk arbeid med bruk av kvantitativ og/eller kvalitativ metode. Masteroppgåva vert normalt skrive i grupper på 2-3 personar. Krav til masteroppgåva er skildra i masteroppgåve-rettleiar (MOPP) i Canvas, og der finn ein også mal for oppgåva.
Gjennom arbeidet med masteroppgåva skal studentane vise at dei er i stand til å definere, avgrense og presisere ei problemstilling som er forskbar, gjere greie for relevant ny internasjonal litteratur som set problemstillinga inn i ein vitskapleg samanheng, velje relevant metode, gjennomføre ei empirisk kvalitativ og/eller kvantitativ undersøking, utføre systematisk analyse av funna sine opp mot internasjonal litteratur og trekkje konklusjonar. Masteroppgåva vert normalt skrive over to semester, med oppstart om hausten. Det er mogleg å skrive oppgåva over eitt semester, men då etter nærare avtale med studieprogramansvarleg. Studenten får tildelt ein rettleiar til masteroppgåva.
For å få tildelt rettleiar og starte med masteroppgåva, er det eit krav at alle emne skal vere bestått.
Emnet er berre ope for studentar på studieprogramma MBA i strategi og leiing, MBA i teknologileiing og Master i beredskap og kriseleiing.
Kunnskap
Etter fullført masteroppgåve:
- har studenten djupnekunnskap om forskingsfronten internasjonalt relatert til vald problemstilling
- har studenten avansert kunnskap om metodiske tilnærmingar for innsamling og analyse av datamateriale
- har studenten inngåande kunnskap om oppbygging av eit vitskapleg arbeid
Ferdigheiter
Etter fullført masteroppgåve:
- kan studenten utvikle ei forskbar problemstilling
- kan studenten kritisk reflektere over relevant internasjonal forsking og empiri som kan bidra til å svare på problemstillinga
- kan studenten vurdere, velje ut og bruke relevant internasjonal forsking og metodikk i innsamling, systematisering og analyse av data for å belyse den valde problemstillinga
Generell kompetanse
Etter fullført masteroppgåve:
- kan studenten delta i fagleg baserte internasjonale diskusjonar om problemstillinga sitt forskingsområde
- kan studenten formidle eigne faglege vurderingar på forskingsområdet
- kan studenten forstå tydinga av forskingsområdet internasjonalt og nytte kunnskapane sine til å foreslå strategiske endringar i ei verksemd
Arbeidskrav - godkjent/ikkje godkjent (må vere godkjent for å kunne levere masteroppgåva): Utkast til innleiing og teoretisk rammeverk for oppgåva.
Oppgåve - gruppe på 1-3 studentar, karakterregel: bokstavkarakterar
Det blir teke atterhald om endringar i vurderingsform. Korrekt vurderingsform blir vist i StudentWeb ved oppmelding til aktuelt emne.
