Anvendt metode

MET1001

Kurset gir ei oversikt over kvalitative og kvantitative forskingsmetodar som er relevante innan økonomisk-administrative fag. Studentane får ei praktisk innføring i metodeemnet som vil gjere dei i stand til å gjennomføre større og mindre forskingsprosjekt, og dei blir òg kjende med relevante dataverktøy som kan nyttast innanfor dei ulike forskingsmetodane.

Det er mogleg å søkje opptak til emnet som enkeltemne. Det blir teke atterhald om ledig kapasitet på emnet. Søkjaren må oppfylle gjeldande opptakskrav for bachelor i økonomi og administrasjon.

Mer informasjon om enkeltemneopptak og frister

Kunnskap

Studenten skal:

ha brei kunnskap om forskingsprosessen frå problemstilling til ferdig rapport
ha kunnskap om ulike forskingsdesign og metodeval
ha kunnskap om kvalitativ og kvantitativ datainnsamling og analyse
kjenne til relevante forskingsetiske prinsipp

Ferdigheiter

Studenten skal kunne:

formulere forskbare problemstillingar og velje metode som passar til å svare på problemstillingane
samle inn og fortolke kvalitative og kvantitative data
nytte dataverktøy i kvalitative og kvantitative analysar
kunne drøfte forholdet mellom teori og empiri

Generell kompetanse

Studenten skal:

kunne planleggje, gjennomføre og rapportere frå eit mindre forskingsprosjekt
kunne reflektere kritisk rundt eigne metodeval
kunne skildre, forstå og forklare skilnadene mellom forskingsbasert kunnskap og anna kunnskap

Utover semesteravgift og pensumlitteratur er det føresett at studenten disponerer ein berbar datamaskin.

Obligatorisk

Undervisninga vil vere ein kombinasjon av førelesingar og øvingar/demonstrasjonar, mellom anna i bruk av statistisk programvare og eventuelt programvare for tekstanalyse. Studenten skal arbeide aktivt med pensum gjennom arbeidskravet som strekkjer seg over store delar av semesteret. Nærare opplysningar om framdrift og arbeidsform blir gjevne ved kursstart.

Studieprogrammet blir evaluert årleg av studentane gjennom emneevalueringar og studieprogramevaluering. Evalueringane inngår som ein del av kvalitetssikringssystemet ved universitetet.

Arbeidskrav (godkjent/ikkje godkjent)
Skriftleg skuleeksamen. Tel 100 %. Karakter A-F

Enkel kalkulator og tospråklege ordbøker. Å generere ei besvarelse ved hjelp av ChatGPT eller liknande kunstig intelligens og levere henne heilt eller delvis som eiga besvarelse, blir rekna som fusk.

Overlapp vil seie at det er ein fagleg likskap mellom emne med same faginnhald. Derfor vil du få få følgande reduksjon i studiepoeng dersom du har tatt emne som er nemnde nedanfor:

ME118S - Innføring i samfunnsvitenskapelig metode - 7.5 Studiepoeng

ME224F - Samfunnsvitenskapelig metode - 7.5 Studiepoeng

MET1002 - Anvendt metode for regnskap og revisjon - 5 Studiepoeng

ME203E - Anvendt metode - 7.5 Studiepoeng

ME222E - Anvendt metode 2 - 7.5 Studiepoeng

MET323 - Samfunnsvitenskapelig metode - 7.5 Studiepoeng

Språk

Norsk

Studiepoeng

7.5

Studiestad

Bodø, Steinkjer, Mo i Rana

Undervisningssemester

Høst 2026

Ansvarleg fakultet

Handelshøgskolen

Emneansvarleg

Førsteamanuensis

Frode Soelberg

frode.soelberg@nord.no