Norsk 1D - Lesing, skriving og muntlige ferdigheter, 1-7
Opptak til eitt av studieprogramma emnet er ein del av, eller opptak som enkeltemnestudent.
Dette emnet er ein del av følgjande program:
- Grunnskulelærarutdanning master 1-7
- Lærarutdanning for praktiske og estetiske fag for trinn 1-13, musikk
Opptakskrava kjem fram på studiet sine nettsider. Eventuelle krav til forkunnskap til emnet må vere oppfylt for å få plass.
Kunnskap
Studenten
- har brei kunnskap om metodar i den første lese- og skriveopplæringa og i lese- og skriveopplæringa på mellomtrinnet
- har kunnskap om kartleggingsprøvar, nasjonale prøvar og læremiddel for 1-7, både digitale og andre
- har kunnskap om teikn på lese- skrive- og språkvanskar
Ferdigheiter
Studenten
- kan planleggje, gjennomføre og evaluere elev- og klassesamtalar
- kan bruke ulike metodar i den første- og den vidare lese- og skriveopplæringa og tilpassa opplæringa for elevar med ulik bakgrunn og varierande ferdigheiter i norsk
- kan kjenne igjen teikn på lese- og skrivevanskar
- kan kartleggje og vurdere lese- og skriveferdigheiter og gi læringsfremjande respons til alle elevar
- kan vurdere ulike norskfaglege læremiddel, digitale og andre
- kan delta munnleg i faglege diskusjonar om lesing, skriving og munnlege ferdigheiter og didaktikk
- meistrar skriftleg nynorsk og bokmål og kan undervise elevar i begge målformer
Generell kompetanse:
Studenten
- kan leggje til rette for at elevane utviklar og vidareutviklar grunnleggjande språkferdigheiter og blir tekstkyndige brukarar av språket som kan delta aktivt i og utanfor klasserommet
- kan planleggje, gjennomføre og reflektere over undervisning i sentrale emne og gjere greie for fagdidaktiske val med omsyn til enkeltelevar, klassen som heilskap og på ulike trinn
- kan vurdere eigen praksis med gjeldande læreplanar, fagkunnskap og fagdidaktisk innsikt som grunnlag
Det skal leggjast vekt på bruk av varierte og relevante undervisningsmetodar og læringsaktivitetar. Døme på dette er individuelt- og gruppearbeid, både skriftleg og munnleg, utprøving av ulike metodar, og bruk av praktisk-estetiske tilnærmingar. Praksiserfaringane dannar saman med fagleg kunnskap og fagdidaktiske vurderingar den heilskaplege kompetansen i faget i utdanninga. Aktiv deltaking og samarbeid mellom studentane er ein føresetnad for å kunne nå emnet sine læringsutbytte.
Med tanke på å utvikle ein forskings- og utviklingskompetanse, skal studentane arbeide med ulike metodiske tilnærmingar, samt utvikle ein kompetanse i å reise forskingsetiske spørsmål.
Grunnskulelærarutdanninga er eit profesjonsstudium der aktiv deltaking og samarbeidslæring står sentralt. Obligatorisk deltaking (OD) betyr at du må delta på minst 80 % av all undervisning og læringsaktivitet som er fastsett i semesterplanen og timeplanen for emnet. Obligatorisk deltaking må vere godkjend for at emnet skal bli registrert som fullført.
Sammensett vurdering (SV): Alle delane må vere godkjent/bestått for å få endeleg karakter i emnet.
Obligatorisk deltaking (OD): 80 % deltaking. Karakterskala: Godkjent/ikkje godkjent. Tel 0/100 av karakteren.
Arbeidskrav (AK): To tekstar som er knytte til arbeidet med eksamensmappa. Karakterskala: Godkjent/ikkje godkjent. Tel 0/100 av karakteren.
Mappeeksamen (MA): To tekstar, ein på nynorsk og ein på bokmål. Karakterskala: A-E for bestått, F for ikkje bestått. Tel 100/100 av karakteren.
Alle hjelpemiddel.
Å generere svar ved hjelp av ChatGPT eller liknande kunstig intelligens og levere han heilt eller delvis som eige svar er å rekne som fusk. Informasjon om ChatGPT/kunstig intelligens mm. finn du her.
Det vil vere ein fordel å ha gjennomført eitt eller fleire av emna i Norsk 1A-C før oppstart i Norsk 1D:
- Norsk 1A - Språket som system og språket i bruk
- Norsk 1B - Barne- og ungdomslitteratur
- Norsk 1C - Tekstleg og språkleg mangfald
