Norsk 1D - Lesing, skriving og muntlige ferdigheter, 1-7 - samisk
Norsk 1D - Lesing, skriving og munnlege ferdigheiter, 1-7 - samisk rettar seg mot trinn 1-7 og gir eit første grunnlag for norskundervisning i dei grunnleggande ferdigheitene, med fokus på lesing, skriving og munnlege ferdigheiter. Sentralt i emnet står den første lese- og skriveopplæringa, lese- og skriveopplæringa på mellomtrinnet, kartlegging, læringsfremmande vurdering og munnlege ferdigheiter. Sentralt er også tilpassing av opplæringa for elevar med ulik bakgrunn og varierande ferdigheiter i norsk, dette inneber også elevar med samisk språkopplæring.
Emnet tar opp fleire fagdidaktiske spørsmål og legg eit grunnlag for planlegging, gjennomføring og vurdering av eigen praksis i norskfaget. Det tverrfaglege temaet demokrati og medborgarskap blir også vektlagt, i tillegg til at studentane skal utvikle sine eigne språkferdigheiter, tekstkompetanse og formidlingsevne i både norsk og samisk.
Opptak til eit av studieprogramma der emnet inngår, eller opptak som enkeltemnestudent.
Dette emnet inngår i følgjande studieprogram:
- Lulesamisk grunnskolelærarutdanning master 1-7
- Sørsamisk grunnskolelærarutdanning master 1-7
Opptakskrava kjem fram på nettsidene til studia.
Kunnskap
Studenten
- har brei kunnskap om metodar i den første lese- og skriveopplæringa og i lese- og skriveopplæringa på mellomtrinnet for alle elevar inkludert elevar med samisk språkopplæring
- har kunnskap om kartleggingsprøver, nasjonale prøver og læremiddel for trinn 1-7, både digitale og andre
- har kunnskap om teikn på lese-, skrive- og språkvanskar
Ferdigheiter
Studenten
- kan planlegge, gjennomføre og evaluere elev- og klassesamtalar
- kan bruke ulike metodar i den første- og den vidare lese- og skriveopplæringa og tilpasse opplæringa for elevar med ulik bakgrunn og varierande ferdigheiter i norsk, inkludert elevar med samisk språkopplæring
- kan kjenne igjen teikn på lese- og skrivevanskar
- kan kartlegge og vurdere lese- og skriveferdigheiter og gi læringsfremmande respons til alle elevar
- kan vurdere ulike norskfaglege læremiddel, digitale og andre
- kan delta munnleg i faglege diskusjonar om lesing, skriving og munnlege ferdigheiter og didaktikk
- meistrar skriftleg nynorsk og bokmål og kan undervise elevar i begge målformer
Generell kompetanse:
Studenten
- kan legge til rette for at elevane utviklar og vidareutviklar grunnleggande språkferdigheiter og blir tekstkyndige språkbrukarar som kan delta aktivt i og utanfor klasserommet
- kan planlegge, gjennomføre og reflektere over undervisning i sentrale emne og gjere greie for elev- og trinntilpassa fagdidaktiske val inkludert for elevar med samisk språkopplæring
- kan vurdere eigen praksis med gjeldande læreplanar, fagkunnskap og fagdidaktisk innsikt som grunnlag
Det blir lagt vekt på bruk av varierte og relevante undervisningsmetodar og læringsaktivitetar, som for eksempel individuelt og gruppebasert arbeid, både skriftleg og munnleg, utprøving av ulike metodar, herunder også bruk av praktisk-estetiske tilnærmingsmåtar. Praksiserfaringane dannar saman med fagleg kunnskap og fagdidaktiske vurderingar den heilskaplege kompetansen i faget. Aktiv deltaking og samarbeid mellom studentane er ein føresetnad for å kunne oppnå læringsutbytta i emnet.
For å utvikle forskings- og utviklingskompetanse skal studentane arbeide med ulike metodiske tilnærmingar, samt utvikle kompetanse i å reise forskingsetiske spørsmål.
Grunnskolelærarutdanninga er eit profesjonsstudium der aktiv deltaking og samarbeidslæring står sentralt. Obligatorisk deltaking (OD) betyr at du må delta på minst 80 % av all semesterplan- og timeplanfesta undervisning/læringsaktivitet i emnet. Obligatorisk deltaking må vere godkjent for å få emnet registrert som fullført.
Delar av undervisninga, studentarbeidet og vurderinga kan foregå på sørsamisk eller lulesamisk.
Sammensett vurdering (SV): Alle delane må vere godkjent/bestått for å få endeleg karakter i emnet.
Obligatorisk deltaking (OD): 80 % deltaking. Karakterskala: Godkjent/ikkje godkjent. Tel 0/100 av karakteren.
Arbeidskrav (AK): To tekstar tilknytta arbeid med eksamensmappa, på norsk og/eller samisk. Karakterskala: Godkjent/ikkje godkjent. Tel 0/100 av karakteren.
Mappeeksamen (MA): To tekstar, på norsk og/eller samisk. Karakterskala: A-E for bestått, F for ikkje bestått. Mappeeksamen tel 100/100 av karakteren.
Alle hjelpemiddel.
Å generere eksamenssvar ved hjelp av ChatGPT eller liknande kunstig intelligens og levere det heilt eller delvis som eige eksamenssvar er å rekne som fusk. Informasjon om ChatGPT/kunstig intelligens mm. finn du her.
Det er ein fordel å ha gjennomført eitt eller flere av emna i Norsk 1A-C før oppstart i Norsk 1D:
- Norsk 1A - Språket som system og språket i bruk - samisk
- Norsk 1B - Barne- og ungdomslitteratur
- Norsk 1C - Tekstlig og språklig mangfold
