Profesjonsfag praksis 2. studieår
Praksis vert gjennomført samanhengande i fire veker i vårsemesteret. Praksis skal vera rettleia, vurdert og variert. Denne praksisperioden vert i hovudsak gjennomført i vidaregåande opplæring.
Dette er siste praksisperiode i utdanninga. Det er forventa stor grad av sjølvstende i undervisningssituasjonar, og høg grad av refleksjon rundt didaktiske val og grunngjevingar. Vidare skal studentane opparbeide heilskapleg forståing av læraren sitt arbeid og skulen sine oppgåver.
Generelle retningslinjer for praksis i lærerutdanningane.
Etter fullført studium skal studenten ha tileigna seg følgjande kunnskapar, ferdigheiter og kompetanse:
Kunnskapar
Studenten:
- har kunnskap om skulen som organisasjon og samfunnsinstitusjon
- har kunnskap om korleis lokalt arbeidsliv, kultur og samfunnsliv kan bli brukt i opplæringa
- har kunnskap om ulike måtar utviklingsarbeid kan bli gjennomført på i skulen
- har kunnskap om entreprenørielle læreprosessar, nytenking, kreativitet og innovasjon knytt til fag- og yrkesopplæring
Ferdigheiter
Studenten:
- kan leie og vurdere læreprosessar i ulike læringsfellesskap
- kan sjølvstendig og saman med andre planlegge, gjennomføre og kritisk evaluere eigen undervisning
- kan bruke og reflektere over varierte og profesjonsfaglege og yrkesrelevante arbeidsmåtar og læremiddel
- kan bruke og vise til relevante forskingsresultat for å treffe grunngjeve val og gjennomføre systematisk yrkesdidaktisk og pedagogisk utviklingsarbeid
- kan planlegge og evaluere møter og utviklingssamtalar med elever og føresette
Generell kompetanse
Studenten:
- kan evaluere eigen og andre sin praksis med referanse til teori og forsking og bidra til profesjonsfagleg og yrkespedagogisk utvikling i skulen
- har innsikt i eigen utvikling som lærar, og kan analysere eigen lærarkompetanse og behov for kompetanseheving
- har endrings- og utviklingskompetanse for å møte framtidas behov i skule, arbeids- og samfunnsliv
Semesteravgift og pensumlitteratur.
Studenten må rekne med kostnader i samband med reise til og frå praksis. Studentar som må reise over 100 km ein veg frå semesterregistrert adresse til praksisstaden har krav på bu- og reisestøtte. Nord universitet yter tilskot etter gjeldande regelverk.
Emnet vert gjennomført i hovudsakleg som praksisopplæring i skule. Studenten si oppgåve er å vera aktiv og interessert deltakar i praksis og ta sitt ansvar i veiledning. Studenten skal delta i undervisning i klasserommet minimum 12 timar (45 min) per veke. Undervisning vert forstått i brei forstand. Det kan omfatte sjølvstendig undervisning, to - lærar, og veiledning av elevar på ulike læringsarenaer. Utover dette skal studenten delta i førebuing, etterarbeid, møter, vurderingsarbeid og kollegasamarbeid. Studenten må rekne med møter/arbeid på ettermiddagstid.
Progresjonen må framleis tilpassast studenten sine tidlegare erfaringar, men det vert forventa stor grad av sjølvstendig lærararbeid i denne perioden.
Merksemda skal vera retta mot læraren si heilskaplege rolle i skulesamfunnet, på skulen si organisering og opplæringa sin plass i samfunnet.
Emnet har to skriftlege arbeidskrav (AK) som vert vurdert til godkjent/ikkje-godkjent. En logg med oversikt over frammøte i praksis og eitt refleksjonsnotat skrive på bakgrunn av oppgåvetekst. Alle arbeidskrav må vera godkjent for å få endeleg karakter i emnet.
Praksis (PR) vert vurdert av praksislærar med sluttvurdering. Vurdering vert gjeve på eige vurderingsskjema som skal signerast av både student og praksislærar.
Praksis vert vurdert til greidd/ikkje greidd (SV) ut frå læringsutbyteskildringar i emnet. Praksis er 100 % obligatorisk og alt fråvær må tas att. Det gjeld også ved sjukdom.
