4. praksisperiode
Emnet er forbeholdt studentar på lærarutdanninga i praktiske og estetiske fag for trinn 1-13, musikk.
Det er òg krav om at tidlegare praksisperiodar er bestått før du får tilgang til emnet.
Kunnskapar
Studenten
- har avansert kunnskap om læring, læreprosessar, arbeidsmåtar, læremiddel og vurderingsformer som kjenneteiknar musikkfaget og andre relevante fag (fag 2 og 3)
- har inngåande kunnskap om samspel mellom elevar og mellom elev og lærar, om skuleleiing, klasseleiing, teamarbeid og skule-heim-samarbeid
Ferdigheiter
Studenten
- kan bruke forskingsbasert kunnskap som grunnlag for utvikling og som bakgrunn for læring og tilpassa opplæring
- kan bruke eit breitt utval arbeidsmåtar og læremiddel i undervisinga og på ulike læringsarenaer
- kan bruke ulike vurderingsformer for å fremje læring, elevmedverknad og lærelyst
Generell kompetanse
Studenten
- kan vurdere ulike skuletypar i lys av samfunnsmandatet
- kan drøfte undervising, læring og fag i lys av gjeldande læreplanar og profesjonsetiske perspektiv
- kan reflektere over eigen og andres praksis i lys av teori og forsking
- har innsikt i kor viktig grunnleggjande ferdigheiter er for læring i faga og for elevane si forståing av fagkunnskap
- kan ta initiativ til og ivareta samarbeid mellom skule og heim, og med arbeids-, samfunns- og kulturliv og andre aktørar som er relevante for skulen si verksemd
Det må påreknast noko kostnad i samband med reise til og frå praksis. Nord universitet gjev tilskot til reiseutgifter etter gjeldande vedtak.
Retningslinjer for økonomisk tilskudd til studenter somgjennomfører praksisstudier ved Nord universitet
Gruppevis praksisarbeid ved ulike skular og institusjonar
Sentrale aktivitetar/metodar: Observasjon, planlegging, gjennomføring og evaluering
Perioden skal knytast til fag 2/fag 3.
Nord universitet tildeler praksisplassar i kommunar som institusjonen har samarbeidsavtalar med.
Lærarutdanning i praktiske og estetiske fag omfattar totalt 130 dagar veileidd, variert og vurdert praksis. I sjette semester vert det gjennomført 15 dagar praksisopplæring knytt til fag 2/3 og ønskt skuleslag. Praksisdagane skal gjennomførast i ei samanhengande periode på 3 veker.
Det skal vere progresjon i praksisopplæringa, og ho skal ha ei integrerande funksjon i utdanninga. Veileding og vurdering av praksis er eit felles ansvar for faglærar, praksislærar og rektor ved praksisskulen. Utviklinga av studentens kompetanse knytt til det å vere lærar skjer i eit gjensidig forhold mellom praksisarena og undervisningsarena.
Løpande skikkelegheitsvurdering av alle studentar skal føregå gjennom heile studiet, både i den teoretiske og den praktiske delen av studiet, og inngå i ei heilskapleg vurdering av studentens føresetnader for å kunne fungere i yrket.
Praksis blir vurdert til Bestått/Ikkje bestått.
For å få bestått praksis må studenten, etter ei heilskapleg vurdering, ha oppnådd læringsutbyttet for praksisemnet, ha 100 % oppmøte, og ha gjennomført og fått godkjent alle oppgåver som høyrer til praksisperioden. Fråvær frå praksis eller manglande godkjenning av oppgåver vil i seg sjølv føre til ikkje bestått. Studentar som får ikkje bestått i praksis, må gjennomføre ny praksisperiode i sin heilskap.
Oppgåver knytte til praksisperioden:
- Innlevering av forventningar til praksis - leverast digitalt i læringsplattforma
- Innlevering av eigenevaluering - leverast digitalt i læringsplattforma
- Fagoppgåve i profesjonsfaget knytt til praksis med gitt oppgåvetekst
Oppgåvene blir vurderte av studieprogramansvarleg og aktuell faglærar.
Vitnemål og samla karakter:
På vitnemålet blir karakterane i alle praksisemna samla til éin karakter i praksisopplæringa.
Den rettleia praksisopplæringa i studieåret må vere bestått for at studentane skal kunne halde fram med utdanninga komande studieår.
Ny/utsett praksis:
I følgje «Forskrift om studiar og eksamen ved Nord universitet» har studentar rett til å gjennomføre praksisopplæring to gonger. Ved ikkje bestått ved første forsøk, må studenten vente til neste gong same praksisperiode blir gjennomført for å kunne ta nytt forsøk. Studenten må melde seg skriftleg opp til ny praksis ved studiestart. Ny praksis blir gjennomført etter dei same retningslinjene som ordinær praksis. Studenten vil få ei skriftleg melding om ikkje bestått.
