Praksis - Periode 5
Overordna perspektiv for praksisopplæringa er leiing av barn og barnehagen.
Praksisopplæring og kunnskapsområda skal saman bidra til at studentane utviklar kunnskapar, ferdigheiter og generell kompetanse, og skal førebu studentane til kommande rolle som barnehagelærar. Praksisopplæringa skal vera variert og sikra at studenten får erfaring med ulike sider ved barnehagelæraryrket i eit barnehagefelt prega av endring, mangfald og kompleksitet.
Emnet er reservert for studentar på bachelor barnehagelærarutdanning, deltid
Det krevst godkjent politiattest.
Det krevst bestått praksis 4.periode.
Det krevst godkjent politiattest.
Studenten:
Kunnskap:
- har kunnskap om pedagogisk leiing og personalleiing.
- har kunnskap om utviklingsarbeid og endringsleiing i barnehagesamanheng.
Ferdigheiter:
- kan fagleg grunngje eigne val og setje ord på faglege vurderingar både munnleg og skriftleg gjennom planlegging og leiing i praksis.
- kan identifisere, planleggje, leie, gjennomføre, dokumentere og kritisk vurdere eit avgrensa utviklingsarbeid i barnehagen, sjølvstendig og i samarbeid med andre.
- kan sjølvstendig leie og rettleie personalet og barn gjennom dialog og rettleiing i planlagde og spontane aktivitetar/kvardagsituasjonar i barnehagen.
Generell kompetanse:
- kan reflektere munnleg og skriftleg over sitt pedagogiske grunnsyn og setje ord på korleis eige pedagogisk grunnsyn kjem til uttrykk i praksis.
- framstår som ein sjølvstendig, reflektert og engasjert barnehagelærar med profesjonsfagleg kunnskap og kan reflektere over eiga rolle og tilstadevering som pedagogisk leiar og rollemodell for barn og tilsette.
Semesteravgift og pensumlitteratur.
Det må påreknast nokre kostnader i samband med reise til og frå praksis. Nord universitet yter tilskot til reiseutgifter etter gjeldande vedtak.
- Planleggja og leia faglege aktivitetar og prosessar med både barn og tilsette knytte til relevante kunnskapsområder
- Profesjonsfaglig veiledning
- Gjøre seg kjende med, og ta i bruk ulike observasjonsmetoder
- Benytte didaktiske planar som grunnlag for faglege aktiviteter
- Delta i trepartsamtaler
- For- og etterarbeid på studiestaden
Omfang av praksisperioden er 15 dagar og blir gjennomført i ein praksisbarnehage. Studenten vil få rettleiing av ein praksislærar gjennom heile praksisperioden.
Detaljerte planar for innhald, oppgåver, gjennomføring av praksis og fristar for innleveringar og tilbakemeldingar, blir gjennomgåtte på praksisførebuande møte.
Meir informasjon finst på nettsidene våre for praksis i barnehagelærarutdanningane.
Praksis (PRA) er ein eksamen som blir vurdert til Bestått/Ikkje bestått.
Alle oppgåver blir gjennomførte individuelt og blir vurderte av praksislærar og faglærar.
Følgjande delar må vera bestått/godkjende for å få endeleg karakter i emnet:
- 15 dagar, 100% oppmøte
- Skriftlege oppgave
- Aktiv deltaking i den pedagogiske verksemda til barnehagen og profesjonsfagleg veiledning
I høve til "Forskrift om studiar og eksamen ved Nord universitet" §7-3 og §7-5 og har studentar rett på å framstilla seg til eitt praksisemne to gonger. Ved ikkje bestått, avbrote eller fråvær frå praksis, har studenten som hovudregel ikkje tilgang til ny praksis før ved neste ordinære gjennomføring.
