KRLE 1B Kristendomskunnskap

REL1009

Kristendomskunnskap er eit emne i studiet KRLE 1, som inngår som ein valbar del av grunnskolelærarutdanninga (1-7, 5-10 og 1-10) og Lærarutdanning for praktiske og estetiske fag for trinn 1-13, musikk. I emnet vil studentane få ei innføring i sentrale kristne forteljingar, kristendomshistorie, kristen tru og praksis og kristent mangfald. Det vil bli lagt vekt på å drøfte ulike didaktiske tilnærmingar til kristendomen i undervisning i grunnskulens KRLE-fag, særleg knytt til forståinga av kristendom som både kulturarv og som ein levande og mangfaldig religion.

Opptak til eit av studieprogramma der emnet inngår, eller opptak som enkeltemnestudent.

Dette emnet inngår i følgjande program:

Grunnskulelærarutdanning master 1-7
Grunnskulelærarutdanning master 5-10
Grunnskulelærarutdanning master 1-10
Lærarutdanning for praktiske og estetiske fag for trinn 1-13, musikk

Opptakskrava kjem fram på studia sine nettsider. Eventuelle forkunnskapskrav til emnet må vere oppfylte.

KUNNSKAP

Studenten:

har kunnskap om og kjenner til bruken i skulen av tekstar, forteljingar, høgtider, lære, ritual og andre praksisar, etikk og estetikk i kristendommen
har kunnskap om eit utval kristne kyrkjesamfunn og kristendomens og arbeidet med historiske tema i skule

FERDIGHEITER

Studenten:

kan identifisere og handtere utfordringar knytte til korleis skulen og elevane møter livssynsmangfald og etisk mangfald
kan planlegge, gjennomføre og vurdere undervisning i kristendomskunnskap som grunnlag for elevretta vurdering som verkar utviklande for alle elevane.
kan bruke varierte arbeidsmåtar som integrerer dei grunnleggande ferdigheitene.

GENERELL KOMPETANSE

Studenten:

kan drøfte kva religion og livssyn kan ha å seie for den enkelte og for samfunnet

Utover semesteravgift og pensumlitteratur blir det lagt til grunn at studenten disponerer ei berbar datamaskin med kamera og headsett for deltaking i nettbasert undervisning. Studentane må ha internettline med kapasitet til nettundervisning.

Valgemne

Kurset er nettbasert. Undervisinga vekslar mellom førelesingar, case, øvingar og diskusjonar i gruppe og plenum. Aktiv deltaking og samarbeid mellom studentane er ein føresetnad for å nå læringsutbytta. Det blir også venta ein stor grad av eigeninnsats i emnet.

Arbeidskravet skal saman med anna undervising, hjelpe studentane i arbeidet med å nå læringsutbytta i emnet. Ekskursjonen er sentral for å nå læringsutbytta i emnet og er derfor obligatorisk. Studentar som ikkje får til å delta på ekskursjonen, må gjere eit kompenserande arbeid.

Studieprogrammet evaluerast årleg av studentane gjennom emneevalueringar og studieprogramevaluering. Evalueringane inngår som ein del av universitetets kvalitetssikringssystem.

Praksis er ein integrert del av KRLE-faget. Viktige tema for praksis i KRLE er; begynnaropplæring, heim- skulesamarbeid og vurdering av og utprøving av læremiddel i KRLE, inkludert digitale læremiddel. Sjå elles eigen praksisplan.

Samansett vurdering (SV): Alle delar må vere godkjende/bestått før ein får karakter i emnet.

Obligatorisk deltaking (OD):
- OD1: 80 % obligatorisk deltaking på nettundervisning, eller 80% obligatorisk gjennomføring av digitale læringsstigar som kan innehalde videoar, faglege presentasjonar og ulike typar arbeidsoppgåver knytt til læringsutbytta i faget. Deltakinga blir vurdert til Godkjend/Ikkje godkjend. Tel 0/100 av karakteren
- OD2: Obligatorisk deltaking på ekskursjon til kristne trussamfunn. Studentar som er forhindra frå å delta må levere eit kompenserande arbeid. Blir vurdert til godkjend/ikkje godkjend.
Arbeidskrav (AK): Studentane skal gjennom studiet levere eitt arbeid som er gjort individuelt. Blir vurdert til godkjend/ikkje godkjend. Tel 0/100 av karakteren.
Munnleg eksamen (MU): Individuell munnleg eksamen (30 minutter). Eksamen blir vurdert med gradert karakter, A-F. Tel 100/100 av karakteren,

Å generere svar ved hjelp av ChatGPT eller liknande kunstig intelligens og levere den heilt eller delvis som eigen svar er å rekne som fusk.

Overlapp vil seie at det er ein fagleg likskap mellom emne med same faginnhald. Derfor vil du få få følgande reduksjon i studiepoeng dersom du har tatt emne som er nemnde nedanfor:

REL1002 - Kristendom, religion, livssyn og etikk 1B, 1-7 - 7.5 Studiepoeng

REL1004 - Kristendom, religion, livssyn og etikk 1B, 5-10 - 7.5 Studiepoeng

REL1006 - Kristendom, religion, livssyn og etikk 1B, 1-7 - 7.5 Studiepoeng

Språk

Norsk

Studiepoeng

7.5

Studiestad

Nett

Undervisningssemester

Høst 2026

Ansvarleg fakultet

Fakultet for lærerutdanning og kunst- og kulturfag

Emneansvarleg

Universitetslektor

Ingvild Mestad

ingvild.mestad@nord.no