Instruktør klasse S, snøscooter
Ulykker med snøskuter har auka, både i talet på ulykker, og kor alvorlege ulykkene er. Dette har truleg samanheng med auka trafikkmengd, og med kraftigare og meir avanserte køyretøy. Ei sentral utfordring er å få fram rett hjelp i tide når ulukker har skjedd, eller når tekniske feil oppstår.
Emnet skal gje studentane eit egna sett med kunnskapar, ferdigheiter, og haldningar, samt motivasjon for å gjennomføre undervisning i klasse S i samsvar med trafikkopplæringsforskrifta og tilhøyrande læreplan.
.
Emnet er delt inn i tre hovudområde:
- samfunn, natur og menneske
- køyretøyet i bruk
- lærarrolla
Gjennom desse tre perspektiva skal studenten kunne tileigne seg kompetansen som er naudsynt for å oppnå intensjonen i læreplan og norsk trafikkopplæring.
.
Kunnskap
Studenten:
- har oppdatert trafikkfagleg kunnskap om klasse S - snøskuter
- har brei kunnskap om forhold knytt til miljø, natur og andre brukarar av naturen, samt juridiske forhold ved bruk av snøskuter
- har kunnskap om ulike didaktiske val
- har brei kunnskap om ferdsel i fjellet vinterstid, inkludert tema som bruk av kart, kompass, snø- og skredfare, førstehjelp og hypotermi
Ferdigheiter
Studenten:
- har god teknisk køyreferdigheit og kan gjere trygge vegval i ulendt terreng
- kan reflektere over eigen og andre si køyreåtferd i eit tryggleiksperspektiv
- kan nytte aktuelt lovverk, og relevant fagleg teori og litteratur for klasse S
- kan orientere seg i naturen ved hjelp av kart, kompass og GPS-baserte hjelpemiddel
- kan nytte søkeutstyr for nedgraven person, utføre førstehjelp ved kameratredning og lage nødbivuakk
Generell kompetanse
Studenten:
- kan dele erfaringar og bidra til utvikling av god praksis gjennom refleksjon saman med andre
- kan delta i faglege diskusjonar om snøskuter i eit samfunnsperspektiv
- kan planleggje og gjennomføre arbeidsoppgåver innan opplæring for klasse S i tråd med etiske krav og retningslinjer
- har kunnskap om relevante etiske problemstillingar knytt til opplæring av førarar på snøskuter
Semesteravgift og studieavgift.
Dei praktiske øvingane inneber overnattingar som studenten sjølv må betale. Ein må og stille med eigen snøskuter. Nord Universitet kan hjelpe til med formidling av dette via utleigar. I tillegg kjem reiseutgifter. Ein må og stille med eige utstyr til køyring.
Emnet vert gjennomført over fem dagar. To av desse dagane inneber praktiske øvingar innan dei fire hovudemna i læreplanen for klasse S.
Det vert lagt stor vekt på samarbeid i grupper innan ulike delar av undervisninga, med hovudfokus på:
- køyretøykunnskap og teknisk køyreferdigheit
- bruk av kart, kompass og GPS-baserte hjelpemiddel for å velje trygge køyretraséar
- ferdsel i fjellet vinterstid med fokus på skred og skredfare, nødbivuakk, bruk av søkestong, kameratredning og førstehjelp
Kompetansen vert utvikla gjennom diskusjon, samarbeid og praktisk erfaring. Viljen til å køyre trygt kan styrkast ved å gje føraren innsikt i konsekvensane av å velje trygg eller risikofylt køyreåtferd. Å utvikle trafikal kompetanse er ein prosess som skjer over tid. Undervisninga byggjer på deltakarane sine føresetnader og erfaringar.
Studentane skal ta eit vesentleg ansvar for eiga læring, både gjennom sjølvstendig arbeid og samarbeid med medstudentar. Det vert gjennomført praktiske øvingar i eigna terreng. Læringsarbeidet går føre seg gjennom dialog og kunnskapsdeling, klasseromsundervisning, gruppearbeid, praktiske øvingar, presentasjonar og individuelle aktivitetar.
- Obligatorisk deltakelse 90% nærvær i organisert undervisning
- Innlevert og godkjend arbeidskrav i grupper
- Eksamen vert gjennomført som individuell heimeeksamen med ei varigheit på to veker. Oppgåva skal ha eitt omfang på inntil 12 sider. Vurderingsuttrykket er A-F.
Endeleg karakter vert fastsett når arbeidskrava er godkjende og eksamen er bestått.
- God teknisk køyreferdigheit med snøskuter, inkludert evne til å gjere sikre vegval i ulendt terreng.
- Erfaring med ferdsel i fjellet vinterstid, inkludert bruk av kart, kompass, GPS, vurdering av skredfare, og førstehjelp.
- Kunnskap om trafikkopplæring og lovverk, spesielt knytta til klasse S og motorferdsel i utmark.
- Evne til å reflektere over eigen og andres køyreåtferd i eitt tryggleiksperspektiv.
- Didaktisk forståing, altså evne til å undervise og formidle kunnskap på ein pedagogisk måte.
