Inkluderende spesialpedagogikk
Emnet gir ei avansert innføring i inkluderande spesialpedagogikk. Emnet skal førebu studentane for arbeidsoppgåver der det er behov for spesialpedagogisk innsikt på eit høgt nivå.
I dette emnet blir det lagt vekt på at du skal bli kjend med relevant og nyare teori og forsking knytt til spesialpedagogikk som fag og felt, spesialpedagogen si rolle og ulike former for samarbeid, tverrfagleg, og med foreldre, både på individ-, gruppe- og systemnivå.
Emnet gir deg kunnskapar, ferdigheiter og haldningar som gjer deg i stand til å bidra til gode lærings- og oppvekstmiljø som fremjar fellesskapet og legg til rette for born og elevar sine utviklings- og læringsprosessar.
Opptak til master i spesialpedagogikk, eller som enkeltemnestudent (om ledige plassar på emnet).
Opptakskrava til enkeltemne er dei same som beskrive for opptak til master i spesialpedagogikk.
Opptakskrava er som følgjer:
Fullført lærarutdanning som: Allmennlærar, grunnskulelærar, barnehagelærar, førskulelærar, faglærarutdanningar eller praktisk pedagogisk utdanning (PPU).
For grunnskulelærarar, med 60 studiepoeng i Pedagogikk og elevkunnskap, gjeld karakter C eller høgare i Pedagogikk og elevkunnskap som opptaksgrunnlag. For dei andre gjeld gjennomsnittskarakter frå heile lærarutdanninga som opptaksgrunnlag. Gjennomsnittskarakteren i opptaksgrunnlaget må vere C eller betre.
Andre utdanningar som kan kvalifisere for opptak er:
- Bachelor i spesialpedagogikk
- Bachelor i pedagogikk
- Bachelor i psykologi
- Bachelor i vernepleie
- Anna relevant 3-årig pedagogisk utdanning med minimum 30 studiepoeng spesialpedagogikk
For desse utdanningane gjeld gjennomsnittskarakter frå heile utdanninga som opptaksgrunnlag. Gjennomsnittskarakteren i opptaksgrunnlaget må vere C eller betre.
Rangering:
Rangering på bakgrunn av vektet karaktersnitt av opptaksgrunnlaget. Emne med «Bestått» eller «Godkjent» blir ikkje inkludert i berekninga av gjennomsnittskarakter.
Kunnskap
Studenten:
- har avansert kunnskap om inkludering og mangfald med utgangspunkt i nyare teoriar og juridiske perspektiv.
- har avansert kunnskap om barnas beste og barnas og foreldras medverknad med utgangspunkt i nyare teoriar og juridiske perspektiv.
- har avansert kunnskap om relevante konvensjonar, lovverk og styringsdokument knytt til arbeid med barn og unge med særskilte behov.
- har inngåande kunnskap om utviklinga av spesialpedagogikk som fag og forskingsfelt, gjennom ulike og nyare teoretiske og juridiske perspektiv.
- har avansert kunnskap om spesialpedagogen si yrkesrolle med utgangspunkt i nyare teoriar og juridiske perspektiv.
- har inngåande kunnskap om etiske dilemma knytt til problemstillingar innanfor spesialpedagogikk som fag og felt og spesialpedagogisk arbeid.
- har inngåande kunnskap om ulike former for samarbeid på individ-, gruppe- og systemnivå i barnehage og skule.
- har avansert kunnskap om kva som kjenneteiknar ein samarbeidande verksemdskultur og kva som krevst for å utvikle ulike former for samarbeid i barnehagar og skular.
Ferdigheiter
Studenten:
- kan nytte nyare forsking og teori for å analysere fenomena inkludering og mangfald og utfordringar relatert til inkluderande spesialpedagogisk praksis.
- kan analysere og nytte sentrale lover og styringsdokument i inkluderande spesialpedagogisk praksis.
- kan analysere og grunngje praktiske løysingar på dilemma og utfordringar i inkluderande spesialpedagogisk praksis og forsking.
- kan identifisere og analysere etiske spørsmål og dilemma innanfor spesialpedagogikk som fag og felt samt inkluderande spesialpedagogisk arbeid.
- kan analysere og reflektere kritisk rundt spesialpedagogen si yrkesrolle med utgangspunkt i ulike og nyare teoriar og juridiske perspektiv.
- kan reflektere kritisk rundt nyare teoriar og former for samarbeid på individ-, gruppe- og systemnivå i barnehage og skule.
- har gode føresetnader og ferdigheiter til å samarbeide med ulike aktørar på individ-, gruppe- og systemnivå i barnehage og skule.
Generell kompetanse
Studenten:
- kan analysere relevante og nyare fag- og forskingsetiske problemstillingar og nytte fagleg forståing og profesjonelle ferdigheiter til beste for barn og unge si vekst og utvikling.
- kan forstå og nytte dagens lovtekstar og lovene sine intensjonar i inkluderande spesialpedagogisk praksis.
- kan reflektere kritisk i forhold til eigen rolle som spesialpedagog innanfor det inkluderande spesialpedagogiske praksisfeltet.
- kan analysere og grunngje praktiske løysingar på dilemma og utfordringar i inkluderande spesialpedagogisk praksis og forsking.
- kan nytte sine kunnskapar og ferdigheiter for å gjennomføre ulike former for samarbeid på individ-, gruppe- og systemnivå i barnehage og skule.
- kan integrere tverrfagleg og foreldresamarbeid på både individ-, gruppe- og systemnivå for å ivareta barn og elevar sine behov.
Obligatorisk emne for studentar på master i spesialpedagogikk.
Blir også tilbydd som enkeltemne for kvalifiserte søkjarar.
Emnet er organisert med tre samlingar med fysisk oppmøte på campus. Undervisningsformene er varierte, og inkluderer førelesingar, arbeid med case frå praksisfeltet og ulike studentaktive arbeidsmetodar. Mellom samlingane jobbar studentane med eige arbeid, individuelt og i kollokviegrupper på nett. Det blir tilbod om eitt nettbasert møte mellom kvar samling.
Aktiv deltaking og samarbeid mellom studentane er ein føresetnad for å kunne oppnå emnet sine læringsutbytte. Dette gir ein kompetanse som studentane ikkje kan tileigne seg på anna vis enn gjennom samarbeid med kvarandre.
Sammensatt vurdering: Alle delane må vere godkjent/bestått for å få karakter i emnet.
- Arbeidskrav (AK): Individuell fagtekst som tek utgangspunkt i eigen praksis. Teksten skal innehalde ei praksisforteljing med utgreiing og drøfting av nokre få spesialpedagogiske tema. Formalkrav: 2000 ord, eksklusive framside, innhaldsoversikt og litteraturliste. APA-standard, Times New Roman, 12 punkt, 1.5 linjeavstand, 2,5 cm marg. Karakterregel: godkjent/ikkje godkjent. Teller 0/100 av karakteren.
- Munnleg eksamen (MU): Individuell digital munnleg eksamen, med varigheit på 30 minutt. Karakterregel: A-F der A er beste karakter og F er ikkje bestått. Teller 100/100 av karakteren i emnet.
Studenten kan ta med eit kort notat med oppsummering av litteratur til munnleg eksamen.
Å generere besvarelse ved hjelp av ChatGPT eller liknande kunstig intelligens og levere den heilt eller delvis som eiga besvarelse er å rekne som fusk
Overlapp vil seie at det er ein fagleg likskap mellom emne med same faginnhald. Derfor vil du få få følgande reduksjon i studiepoeng dersom du har tatt emne som er nemnde nedanfor:
SPD5016 - Tilpasset opplæring - 15 Studiepoeng
SPD5006 - Spesialpedagogikk 1 - 15 Studiepoeng
