Førerprøvesensor tunge klasser
Etter fullført emne er det forventa at studentane har oppnådd følgjande læringsutbytte:
Kunnskap
Studenten
• har kunnskap om norsk føraropplæring, regelverk, læreplanar og undervisning knytt til førar- og yrkessjåføropplæring i tunge klassar
• har kunnskap om tunge køyretøy sin konstruksjon og verkemåte, og kjenner til korleis dei fysiske lovene påverkar køyring med tunge køyretøy
• har kunnskap om tunge køyretøy si tyding i dagens og framtidas samfunn, og kjenner til ulukkesårsaker knytt til tunge køyretøy og samfunnskostnadene dette medfører
Ferdigheiter
Studenten
• kan finne, vurdere og vise til informasjon og fagstoff og knyte dette til ei problemstilling
• kan bruke eksisterande forsking og fagleg kunnskap på praktiske og teoretiske problemstillingar og gjere greie for sine val
Generell kompetanse
Studenten
• kan planleggje, gjennomføre og presentere arbeidsoppgåver åleine og som deltakar i gruppe og i tråd med etiske krav og retningslinjer
• kan utveksle synspunkt med andre med bakgrunn innan fagområdet og delta i diskusjonar om utvikling av god praksis
• kan reflektere over trafikk- og yrkessjåføropplæring i tråd med samfunnets mål om berekraft og miljø
Emnet vil i hovudsak bestå av digitale synkrone og asynkrone læringsaktivitetar. For å nå læringsmåla i emnet, er det likevel nødvendig å gjennomføre ei samling med fysisk tilstadevering.
Arbeidsformer vil vere førelesingar, gruppearbeid, undervisningsvideoar med tilhøyrande arbeidsoppgåver, eigenstudium, arbeidskrav og framlegging av eige læringsutbytte overfor øvrige studentar. Studentane har stort ansvar for eiga læring.
Emnet har samansett vurdering:
• Obligatorisk deltaking: 80 % tilstadevering på fysisk samling, samt på synkron digital undervisning/undervisning i sanntid
• Arbeidskrav: Emnet inneheld tre arbeidskrav.
• Individuell oppgåve med justerande munnleg eksamen: Individuell, skriftleg oppgåve som skildrar eige læringsutbytte. Oppgåva blir følgt av ein justerande munnleg eksamen der oppgåva blir presentert for medstudentar. Vurderingsuttrykk A-F
Eksamensoppgåvesvaret skal vise studentens læringsutbytte i heile perioden. Studenten skal også reflektere over og vurdere si eiga sensorkompetanse ved å drøfte delkompetansane fagkompetanse, sosial kompetanse inkludert kommunikasjon, etisk kompetanse og endrings- og utviklingskompetanse.
