Satsingsområde: Berekraftig innovasjon og entreprenørskap

Berekraftig innovasjon og entreprenørskap er eitt av Nord universitet sine fire satsingsområde.

Nord universitet skal bli ein tydelegare drivkraft for innovasjon og entreprenørskap ved å styrke samarbeidet om forsking og utdanning med samfunnsliv og bedrifter i regionen.

Nord universitet har eitt av dei leiande forskings- og utdanningsmiljøa i landet innan innovasjon og entreprenørskap. Dette området skal styrkast og vidareutviklast til å omfatte større delar av universitetet si verksemd.

Berekraftig innovasjon og entreprenørskap bidrar til å skape gode, trygge samfunn for framtidige generasjonar. Innovasjon er viktig innan alle fagretningar for å skape ei berekraftig framtid. Regionen har behov for at Nord universitet bidrar til meir berekraftige produkt, næringar og lokalsamfunn.

Nord universitet sine studentar skal få kompetanse til å utvikle og setje i verk framtidsretta løysingar i arbeidslivet gjennom nye og digitale læringsformer og ved å legge betre til rette for innovasjonskompetanse.