Historisk klassebilde: 16 studentar møtte opp til historisk oppstart på barnehagelærarutdanninga på Frøya. Foto: Geir Gran.
Denne artikkelen er over ett år gammel.
Faggruppeleiar for barnehagelærarutdanninga ved Nord universitet, Elin Børve, fortel at planen eigentleg var å tilby denne utdanningen på Frøya frå hausten 2025. Men stort påtrykk frå regionen om mangel på barnehagelærarar gjorde at det ble satt fart i arbeidet.
Dette gjorde sitt til at denne utdanninga kom på plass i rekordfart.
– Eg trur vi har jobba med 500 prosent fart, seier Børve og smiler.
Gode ord frå ordførar og varaordførar
Marit Liabø Sandvik, ordførar i Heim kommune og Ole-Morten Sørvig, varaordførar i Frøya kommune deltok også på opninga.
– Dette har stor betydning for regionen. Vi manglar både barnehagelærarar og for så vidt anna type kompetanse også, seier Sørvig.
– Det er veldig positivt at folk kan studere samtidig som det er mogleg å jobbe, påpeikar Liabø Sandvik.
Gjensyn med Marthe
Ekstra moro var det å møte att Marthe Rønning Opsal (29). Våren 2023 deltok ho på eitt av LæreriNord sine informasjonsmøter på Frøya.
Ho jobba da som kontaktlærar for 4. trinn ved Sistranda skole. Rønning Opsal ønska seg i utgangspunktet ei lærarutdanning, men så at det ikkje var mogleg. Så dukka desentralisert barnehagelærarutdanning opp, og da var valet enkelt.
I tillegg har Rønning Opsal fått seg jobb i barnehage. Ho har også fått innvilga utdanningsstøtte frå Frøya kommune, noko som er heilt avgjerande for at ho skal få gjennomført.
– Planen er å jobbe hundre prosent medan eg gjennomfører utdanninga. Eg har innsett at eg ikkje får fritidsproblem i alle fall, smiler den ferske studenten.
