Rektor Hanne Solheim Hansen og fylkesrådsleder Svein Øien Eggesvik.
– Me står sterkare når me jobbar saman. Denne avtalen gir oss høve til å utvikla utdanning og forsking som treffer behova i Nordland – og sørgjer for at kunnskapen blir her i regionen, seier fylkesrådsleiar Svein Øien Eggesvik.
Betre utdanningsløp for unge i Nordland
Avtalen skal gjera overgangen mellom vidaregåande skule, høgare utdanning og arbeidsliv enklare. Det betyr tettare samarbeid med vidaregåande skular, meir samarbeid om praksisplassar. Me vil også samarbeid om å auka forskingsaktiviteten til nytte for arbeidslivet.
– Som universitet vil me vera tett på samfunnet vårt. Avtalen gir oss høve til å styrkja praksisnær forsking, utdanning og innovasjon som svarer på utfordringane og moglegheitene me har i Nordland, seier rektor ved Nord universitet, Hanne Solheim Hansen.
Satsar på samisk språk og kultur
Samarbeidet skal også bidra til å styrkja Nordland som samisk forvaltningsområde, med auka synlegheit for samiske språk, kultur, samfunns- og næringsliv, og dessutan meir tverrfagleg samisk forsking.
Tre år – med ambisjonar om meir
Avtalen gjeld først i tre år. Eit felles samarbeidsforum skal følgja opp og sikra at planane blir til handling.
– Vi sjer fram til å byggja sterke fagmiljø, skapa fleire praksismoglegheiter i Nordland, og sørgja for at kunnskapen me utviklar, bidreg til vekst, verdiskaping og gode liv i heile fylket, seier Eggesvik.
